Լազար Սամարջիչը «Ուդինեզեից» չի տեղափոխվի «Ինտեր»։
21-ամյա սերբ կիսապաշտպանի տեղափոխությունը միլանյան ակումբ ձախողվել է, չնայած այն բանին, որ ակումբների միջև պայմանավորվածություն էր ձեռք բերվել, և խաղացողն արդեն բուժզննում էր անցել։
Ավելի վաղ հաղորդվում էր, որ «Ինտերը» Սամարջիչին վարձակալելու է 4 միլիոն եվրոյով՝ 16+2 միլիոնով լրիվ տրանսֆերը գնելու իրավունքով։ Բացի այդ, կողմերը պայմանավորվել էին, որ «Ինտերի» 20-ամյա կիսապաշտպան Ջովանի Ֆաբիանը 4 միլիոնով կտեղափոխվի «Ուդինեզե»։
Սակայն Լազարի հայրը բանակցություններից հեռացրել է գործակալ Ռաֆայելա Պիմենտային և մեկ այլ գործակալի հետ մասնակցել է «Ինտերի» հետ հանդիպմանը՝ խնդրելով որդու համար ավելի բարձր աշխատավարձ։ «Ինտերում» հիասթափված են եղել ֆուտբոլիստի և նրա ներկայացուցիչների պահվածքից։
