Էլ Կլասիկոն՝ շաբաթվա գլխավոր իրադարձություն․ Երբեմն ձախողվում ես և դա բնական է

Անցնող շաբաթվա մարզական աշխարհի գլխավոր իրադարձություններից մեկն անխոս կարելի է համարել Էլ Կլասիկոն։ Մարտի 1-ին Իսպանիայի Լա լիգայի 26-րդ տուրի շրջանակում տեղի ունեցավ երկար սպասված Էլ Կլասիկոն։

Արքայական թիմը վերջին տարիներին անհաջող է հանդես գալիս սեփական հարկի տակ։ Հանդիպումը շատ կարևոր էր մեկ այլ տեսանկյունից ևս․ կախված խաղի արդյունքից՝ կարող էր փոխվել առաջատարը։

Թիմերը խաղադաշտ դուրս եկան հետևյալ մեկնարկային կազմերով․

✅ Հանդիպման գլխավոր իրադարձությունները՝ համառոտ

Առաջին խաղակեսում 2 թիմերն էլ մեկմեկու դարպասը գրավելու լավ հնարավորություններ ունեցան, բայց արքայական թիմին մի քանի անգամ փրկեց Կուրտուան, իսկ կատալոնական ակումբի դարպասին կատարված հարվածները բարձր կամ շեղ էին ստացվում։ 34-րդ րոպեին Արթուրը կարող էր բացել հաշիվը, սակայն Կուրտուան փրկեց։ 41-րդ րոպեին Մեսսին հրաշալի հնարավորություն ուներ, սակայն կրկին անխոցելի էր բելգիացի դարպասապահը։

Երկրորդ կեսում Զիդանի թիմն ավելի համոզիչ տեսք ուներ։ 2 հրաշալի հնարավորություն չօգտագործեց Իսկոն, մեկ անգամ էլ շատ լավ պահ կորցրեց Բենզեման։ 71-րդ րոպեին Վինիսիուսը սուր անկյան տակ հարված կատարեց, գնդակը դիպավ Պիկեի ոտքին ու հայտնվեց դարպասում։ 92-րդ րոպեին խաղադաշտ դուրս գալուց վայրկյաններ անց Մարիանո Դիասը սուր անկյան տակ երկրորդ գնդակն ուղարկեց մրցակցի դարպասն ու դրեց խաղի վերջակետը՝ 2։0։

✅ Հետաքրքիր ցուցանիշներ

⚽ MisterChip թվիթերյան էջը հայտնում է, որ «սերուցքայինները» միանգամից մի քանի ցուցանիշ են թարմացրել կապտանռնագույնների հետ դիմակայություններում: Նախ, թիմը հավասարվել է «Բարսելոնային» կլասիկոներում տարած հաղթանակների քանակով (96): Ընդ որում, Իսպանիայի առաջնության շրջանակում «Ռեալն» ավելի հաճախ է հաղթել` 73-ը 72-ի դիմաց:

«Արքայական ակումբը» նաև շրջանցել է կատալոնացիներին Պրիմերայում խփած գոլերի քանակով` 6152-ը 6151-ի դիմաց:

⚽ «Ռեալի» բրազիլացի կիսապաշտպան Վինիսիուս Ժունիորը 21-րդ դարում Իսպանիայի առաջնության շրջանակներում դարձավ ամենաերիտասարդ ֆուտբոլիստը, ով գոլ է խփել Էլ Կլասիկոյում: Նախորդ ռեկորդը պատկանում էր Լիոնել Մեսսիին, ով 2007-ի մարտին գոլի հեղինակ էր դարձել՝ լինելով 19 տարեկան և 259 օրական։

⚽ «Ռեալի» պաշտպան Ռամոսի համար այս հանդիպումը 44-րդն էր, իսկ Մեսսին մասնակցեց իր կարիերայի 42-րդ Էլ Կլասիկոյին։ Չավին՝ «Բարսելոնայից» խաղացել է 42 անգամ։ Արքայական թիմից նույնքան խաղի մասնակցել են Մանոլո Սանչեսն ու Ֆրանսիսկո Խենտոն։

⚽ Մադրիդի «Ռեալի» հարձակվող Կարիմ Բենզեման «Բարսելոնայի» դեմ մրցավեճում արքայական թիմի կազմում անցկացրեց 500-րդ հանդիպումը։ Ակումբի պատմության մեջ ֆրանսիացին դարձավ 14-րդ խաղացողը, որ հատեց 500 խաղի սահմանը։ Օտարերկրացի խաղացողների մեջ Կարիմը երրորդն է՝ Կառլոսից ու Մարսելոյից հետո։

⚽ «Ռեալի» հարձակվող Մարիանո Դիասը 90+ 2-րդ րոպեին գոլի հեղինակ դարձավ «Բարսելոնայի» դեմ խաղում։ Նա աչքի ընկավ խաղադաշտում հայտնվելուց 50 վայրկյան անց: Այսպիսով, իսպանացի հարձակվողը դարձավ 21-րդ դարում Էլ Կլասիկոյի ամենաարագ գոլի հեղինակը, ով աչքի է ընկել փոխարինման մտնելուց հետո: Նկատենք, որ սա նրա՝ այս մրցաշրջանի առաջին հանդիպումն էր Լա Լիգայում:

⚽ Կատալոնացիների հարձակվող Լիոնել Մեսսին չի կարողանում գոլ խփել արտագնա վերջին 7 խաղերում: Դա նրա ամենավատ ցուցանիշն է 13 տարվա ընթացքում: 2006-ի սեպտեմբերից մինչև 2007-ի մարտը 32-ամյա արգենտինացին անընդմեջ 8 արտագնա հանդիպումներում չէր կարողացել գոլ խփել: Այս մրցաշրջանում վերջին անգամ արտագնա խաղում Մեսսին գոլ է խփել «Աթլետիկոյի» դեմ խաղում՝ անցած տարվա դեկտեմբերին:

⚽ «Ռեալը» հաղթեց «Բարսելոնային» Էլ Կլասիկոյում 2:0 հաշվով: «Սերուցքայինների» գլխավոր մարզիչ Զինեդին Զիդանը Լա Լիգայում տարավ 89-րդ հաղթանակը: Այսպիսով, նա այդ ցուցանիշով հավասարվեց մադրիդցիների նախկին մարզիչ Լեո Բենհակերին: Առաջատարը «Ռեալի» նախկին գլխավոր մարզիչ Միգել Մունյոսն է, ով ունի 257 հաղթանակ Լա Լիգայում՝ լինելով «Ռեալի» ղեկին:

✅ Կարծիքներ խաղից հետո

📢 «Բարսելոնայի» գլխավոր մարզիչ Կիկե Սետյենը մեկնաբանել է իր թիմի պարտությունը․

«Երբեմն ձախողվում ես, դա բնական է: Նրանք, իսկապես, ճնշում և կրկին ճնշում էին գործադրում մեզ վրա: Մենք փորձում էինք արագ տեղափոխել գնդակը ՝ ճնշումներից խուսափելու համար, բայց նման խաղացողների դեմ դա հեշտ չէր անել: Միևնույն ժամանակ հարձակվելն ու պաշտպանվելը այնքան էլ հեշտ չէ: Մենք կարողացանք շատ լավ կառավարել գնդակը, բայց խաղը տարբեր փուլեր ուներ, և արդյունքը կախված է դրանից:

Մեսսի՞։ Մենք ունենք այլ խաղացողներ, բայց ճիշտ է, որ նա շատ կարևոր է: Մենք չպետք է կախվենք այն փաստից, որ նա գոլ չի խփում: Մյուս խաղացողները նույնպես պահեր ունեին», – Սետյենի խոսքերն է մեջբերում Marca- ն:

📢 «Բարսելոնայի» պաշտպան Ժերար Պիկեն մեկնաբանել է իր թիմի ՝ «Ռեալի» հետ խաղում կրած պարտությունը ․

📢 «Ռեալի» պաշտպան Սերխիո Ռամոսը պատասխանել է «Բարսելոնայի» պաշտպան ժերար Պիկեի քննադատությանը․

📢 «Բարսելոնայի» նախագահ Խոսեպ Բարտոմեուն ևս մեկնաբանել է իր թիմի կրած պարտությունը․

«Առաջնությունը շարունակվում է: Շատ հանդիպումներ ևս կան առջևում: Երկրպագուները ամեն ինչ հասկանում են, նրանք գիտեն, որ սա դեռ վերջը չէ»,- մեջբերում է Բարտոմեուին AS-ը:

✅ Ռոնալդուն Բարսելոնայի հետ խաղի ընդմիջմանն այցելել է Ռեալի հանդերձարան

Մադրիդի «Ռեալի» նախկին հարձակվող Կրիշտիանու Ռոնալդուն, օգտվելով «Ինտեր»-«Յուվենտուս» խաղի հետաձգումից, ներկա էր գտնվել Էլ Կլասիկոյին։ Ռոնալդուն «Ռեալից» հեռանալուց հետո առաջին անգամ ներկա գտնվեց իր նախկին թիմի մասնակցությամբ խաղին։

«Ռեալի» հարձակվող Վինիսիուս Ժունիորը բացատրել է, թե ինչու է գոլն «Արքայական ակումբի» նախկին հարձակվող Կրիշտիանու Ռոնալդուի ոճով տոնել.

«Կրիշտիանուն ընդմիջմանը եկավ հանդերձարան, որպեսզի աջակցի թիմին ու մեզ բարոյական աջակցություն ցուցաբերի: Ահա, թե ինչու ես տոնեցի նրա պես: Կրիշտիանուն հաղթող է դաշտում և նրա սահմաններից դուրս»,- Վինիսիուսի խոսքերն է փոխանցում Completesports-ը:

Ավարտվեց ևս մեկ Էլ Կլասիկոն՝ ֆուտբոլային գլադիատորների հերթական պայքարը։ Զինվենք համբերությամբ և սպասենք Պիրենեյան թերակղզու հաջորդ ամենակարևոր դիմակայությանը․․․