Երիտասարդական ԱԱ․ Իտալիան հաղթեց Բրազիլիային, Ճապոնիան՝ Սենեգալին, այլ արդյունքներ

Մայիսի 22-ի գիշերը կայացավ երիտասարդական Աշխարհի առաջնության Իտալիա — Բրազիլիա հանդիպումը։ D խմբի հանդիպումն ավարտվեց իտալացի ֆուտբոլիստների հաղթանակով 3-2 հաշվով։

Հաղթողների կազմում դուբլի հեղինակ դարձավ Չեզարե Կասադեյը, ևս մեկ գոլ խփեց Մատեո Պրատին։ Բրազիլացիների կազմում դուբլով աչքի ընկավ Մարկոս ​​Լեոնարդոն։

Խմբի մյուս խաղում Նիգերիան 2-1 հաշվով հաղթեց Դոմինիկյան Հանրապետության թիմին։

C խմբում Ճապոնիան Մացուկիի գոլի շնորհիվ 1-0 հաշվով հաղթեց Սենեգալին, իսկ Կոլումբիան 2-1 հաշվով հաղթեց Իսրայելին։