«Մանչեսթեր Սիթիի» գլխավոր մարզիչ Խոսեպ Գվարդիոլան ասել է, որ մտածում է «Ռեալի» մասին, սակայն առայժմ կենտրոնացած է Պրեմիեր լիգայի առաջիկա հանդիպումների վրա։
«Ես դեռ չեմ մտածում «Ռեալի» մասին։ Որոշակի գաղափար ունեմ, բայց սովորաբար մտածում եմ հաջորդ խաղի մասին, և մենք ժամանակ չունենք այս պահին առաջնահերթությունները կազմելու համար: Պրեմիեր լիգայում չեմպիոն լինելը նման է Չեմպիոնների լիգայում հաղթելուն, ուստի այս պահին իմ ուշադրությունը կենտրոնացած է «Ֆուլհեմի», հետո «Վեսթ Հեմի» և «Լիդսի» վրա: Միայն դրանից հետո մենք լիարժեք կնախապատրաստվենք «Ռեալի» դեմ խաղին։
Շատ գոհ ենք վերջին հանդիպման արդյունքից և խաղից, բայց դրանով վերջ: Գիտեմ, որ ոչ թե 20 խաղ է մնացել, այլ ընդամենը 7, բայց դրանք 7 կարևոր խաղեր են։ Ավելին, նրանց միջև կան նաև Չեմպիոնների լիգայի հանդիպումներ»,- իսպանացի մասնագետի խոսքերն է մեջբերում Marca-ն։
Հիշեցնենք, որ «Սիթին» խոշոր հաշվով հաղթանակ տարավ Պրեմիեր լիգայի առաջատար «Արսենալի» հետ վերջին խաղում (4:1), իսկ կորցրած միավորների համաձայն՝ «քաղաքայինները» մրցաշարային աղյուսակում հետ են մնում լոնդոնյան ակումբից։ Չեմպիոնների լիգայի 1/2 եզրափակչի առաջին հանդիպումը Մադրիդի «Ռեալի» հետ կկայանա մայիսի 9-ին։
