Հարձակվող Ռոմելու Լուկակուն կվերադառնա «Չելսի» Միլանի «Ինտերում» վարձակալության ժամկետի ավարտից հետո, չնայած այն հանգամանքին, որ բելգիացին ինքը ցանկանում է մնալ Իտալիայում։
Լուկակուն, ով «Չելսիին» միացել է «Ինտերից» 2021 թվականի ամռանը, վարձավճարով վերադարձել է իր նախկին թիմ 2022/23 մրցաշրջանի սկզբում։
Սակայն վերադարձն այդքան էլ հաջող չէր բելգիացու համար․ 29-ամյա խաղացողը 24 խաղում խփել է ընդամենը յոթ գոլ և վնասվածքների պատճառով բաց է թողել բավականին շատ հանդիպումներ։
Ըստ իտալական Gazzetta dello Sport-ի՝ Լուկակուն ամռանը կվերադառնա Լոնդոն, քանի որ «Ինտերը» չի գնի Ռոմելուի ամբողջական տրանսֆերը, քանի որ միլանյան ակումբը ֆինանսական դժվարություններ ունի:
