Մեկնարկել է Fastex Հայաստանի Պրեմիեր լիգայի գարնանային հատվածը։
Փետրվարի 24-ին կայացած 13-րդ տուրից հետաձգված խաղում «Փյունիկը» Չարենցավանում 3 անպատասխան գնդակ է ուղարկել «Վանի» դարպասը: Փետրվարի 27-ին մեկարկեց 21-րդ տուրը: Մրցափուլի ավարտից հետո փակվել է նաև ձմեռային տրանսֆերային պատուհանը:
ArmSport-ն ամփոփել է, թե ինչ փոփոխություններով և ինչպիսի նախապատրաստական շրջանով են մեր թիմերը մոտեցել մրցաշրջանի երկրորդ մասին։
«Արարատ–Արմենիա»
«Արարատ–Արմենիան» Fastex ՀՊԼ 2022/23 մրցաշրջանի գարնանային հատվածին ընդառաջ փետրվարի 2-ից 19-ը ուսումնամարզական հավաք անցկացրեց Արաբական Միացյալ Էմիրություններում, որի ընթացքում անցկացրեց 4 հանդիպում։ Վարդան Բիչախչյանի գլխավորած թիմը երկու անգամ հանդիպեց ռուսական «Ուրալի» հետ։ Մեկ խաղն ավարտվեց ոչ–ոքի՝ 1։1, իսկ մյուսում երևանյան թիմը պարտվեց 0։3 հաշվով։ «Արարատ–Արմենիան» 1։1 հաշվով ավարտեց Սանկտ–Պետերբուրգի «Զենիթի» հետ խաղը և նվազագույն հաշվով հաղթեց տեղի «Էմիրեյթսին»։
Ձմեռային տրանսֆերային պատուհանի ընթացքում «Արարատ-Արմենիային» են միացել 24-ամյա նիգերիացի հարձակվող Թաոֆիք Ջիբրիլը, 24-ամյա պաշտպան, Հայաստանի երիտասարդական հավաքականի նախկին ֆուտբոլիստ Էդգար Գրիգորյանը, քենիացի 23-ամյա կիսապաշտպան, Քենիայի ազգային հավաքականի ֆուտբոլիստ Ամոս Նոնդին, պաշտպաններ Կարլոս Պերեսը, Դրագան Լովրիչը, Արթուր Սերոբյանը:
«Արարատ-Արմենիայի» ֆուտբոլիստներ Ագդոն Մենեզեսն ու Վբեմայեր Անգուլոն մինչ ընթացիկ մրցաշրջանի ավարտը վարձակալության հիմունքներով հանդես կգան Երևանի «Ալաշկերտում»։
Թիմից հեռացել են պաշտպաններ Արման Հովհաննիսյանը, Ստյոպա Մկրտչյանն ու բրազիլացի Ռոմերսիոն:
«Փյունիկ»
2022/23 մրցաշրջանի երկրորդ հատվածին ընդառաջ «Փյունիկը» մեկամսյա ուսումնամարզական հավաք անցկացրեց Բելեկում: Եղիշե Մելիքյանի գլխավորած թիմը հավաքի երկրորդ հատվածում անցկացրեց նաև 6 ընկերական հանդիպում, որից 4-ում պարտություն կրեց, իսկ 3-ում հաղթանակ տարավ: Մելիքյանի գլխավորած թիմը 4:1 հաշվով հաղթեց «Խաբարովսկին» ու նվազագույն հաշվով առավելության հասավ «Օրենբուրգի» ու «Ալեքսանդրիայի» նկատմամբ: Երևանյան թիմը 0:2 հաշվով զիջեց «Խիմկիին» ու «Բալթիկային», նվազագույն հաշվով պարտություններ կրեց «Վերեսից»:
Երևանյան թիմի կազմը համալրեն են դարպասապահ Հենրի Ավագյանը, պաշտպաններ Ալան Աուսին, Ջեյմսը, Խուան Բրավոն, կիսապաշտպաններ Լուկաս Վիլելան, Էդգար Մալաքյանն ու հարձակվող Ջոնել Դեսիրեն:
ՀՊԼ 13-րդ տուրից հետաձգված «Վանի» հետ խաղից առաջ երևանյան թիմի գլխավոր մարզիչ Եղիշե Մելիքյանը ստացավ Հայաստանի 2022-ի լավագույն մարզչի մրցանակը:
«Շիրակ»
«Լեռնային Արցախն» առաջնության երկրորդ հատվածին նախապատրաստվում է Երևանում: Տրանսֆերային պատուհանի վերջին օրն ակումբը հայտարարեց միանգամից մի քանի տրանսֆերի մասին: Թիմին են միացել Պողոս Այվազյանը, Դավիթ Նալբանդյանը, Ալիկ Առաքելյանը, Դեո Դեսան, Շոգո Կագավան, Էմմանուել Վիերան, Սեբաստիան Դիանը ու Վիլիամս Իպեհեն:
Թիմից հեռացել է էկվադորցի հարձակվող Յեյսոն Ռասինեսը:
Մյուս թիմերի տրանսֆերներին անդադարձել էինք մինչև առաջնության երկրորդ հատվածի մեկնարկը: Տրանսֆերային պատուհանի վերջին օրերին «Նոան» հայտարարեց պաշտպան Նորայր Նիկողոսյանի հեռանալու, 20-ամյա նիգերիացի հարձակվողական ոճի կիսապաշտպան Չապի Կատոյի հետ պայմանագիր կնքելու մասին: «Նոան» վարձակալության պայմանագիր է կնքել իր հոլդինգի մաս կազմող հունգարական «Դեբրեցեն» ակումբի երկու ֆուտբոլիստների հետ։ Նիգերիայի երիտասարդական հավաքականի 20-ամյա հարձակվող Փիթեր Օլավալենն ու 21-ամյա ռումինացի դարպասապահ Ռաուլ Բալբարաուն կխաղան երևանյան թիմում։
Երևանի «Արարատից» հեռացել են դարպասապահ Արման Սիմոնյանը, 22-ամյա պաշտպան Յուրի Մաղաքյանը, կիսապաշտպան Դավիթ Մանոյանը:
FASTEX ՀՊԼ-ի 21-րդ տուրում գրանցվեցին հետևյալ արդյունքները:
ԲԿՄԱ-«Նոա»` 0:1
«Արարատ»-«Արարատ-Արմենիա»` 1:3
«Լեռնային Արցախ»-«Ալաշկերտ»` 1:3
«Ուրարտու»-«Վան»` 2:0
«Փյունիկ»-«Շիրակ»` 4:1
