Հունիսի 24-ին տեղի ունեցան Bellator 282 և PFL 5 մրցաշարերը, որտեղ ռինգը կիսում էին Մուսասին և Պետտիսը, ինչպես նաև մասնակցում էին այլ բարձրակարգ մարզիկներ։ Չնայած լավագույն մարզիկների մասնակցությամբ մենամարտերին, հանդիսատեսի ամբողջ ուշադրությունը գրավեց ուժեղ, բայց ոչ այնքան հայտնի Սերգեյ Բոբրիշևը, այդ մասին գրում է Чемпионат-ը։
Բոբրիշևը մենամարտեց Կովալենկոյի հետ, ով առաջին ռաունդում մի քանի րոպեների ընթացքում անճանաչելի դարձավ դեմքին ստացած հարվածների պատճառով։ Սերգեյն այնքան էր հարվածել մրցակցին, որ ազդանշանից 54 վայրկյան առաջ մարզիչների անկյունը սպիտակ սրբիչ է նետել ռինգ, որպես մենամարտը դադարեցնելու պահանջ։
Բայց ամեն ինչ այդքանով չի ավարտվել, Բոբրիշևը սկսել է հրել ուժասպառ Կովալենկոյին, իսկ երբ մրցավարը միջամտել է, վիճաբանություն է սկսվել։
Ամբոխի մեջ Կովալենկոյի ընկերները հարձակվել են Բոբրիշևի վրա, մի քանի անգամ հարվածել նրան։ Երկու թիմերի մասնակցությամբ սկսվել է զանգվածային ծեծկռտուք, որի արդյունքում Բոբրիշևի ոչ սպորտային պահվածքի պատճառով մենամարտի արդյունքները չեղարկվել են։
Ավելի ուշ Կովալենկոն վերցրել է խոսափողն ու դիմել մարզիչներին.
«Ես չհանձնվեցի։ Սրբիչը ինչու՞ նետեցիք։ Ես կարող էի շարունակել: Այլևս մի արեք դա, երբեք մի նետեք սպիտակ սրբիչը: Երբ ես դուրս եմ գալիս կռվելու, ինքս էլ գիտակցում եմ, թե երբ պետք է հանձնվեմ։ Ես սա ասում եմ ուղղակի ապագայի համար, իսկ ինչ վերաբերում է Բոբրիշևին, ապա նույնիսկ մենամարտից առաջ նրա ձեռքսեղմելու ձևից կարելի է եզրակացություն անել նրա մասին։ Ես բարևեցի, իսկ նա հարվածեց փորիս։ Այո, դա կարելի է անել, բայց նրա մարդ տեսակից երևում է, որ պրոֆեսիոնալ սպորտը քիչ բան է տվել նրան։ Նա հայհոյում էր, անպարկեշտ խոսքերով վիրավորում ինձ, դա ցույց է տալիս մարդու էությունը։ Ես կարող եմ վրեժ լուծել փողոցում, այս ամբողջ ամբոխի հետ։ Ես քեզ իմ հեռախոսահամարը կտամ, մենք պետք է հանդիպենք անտառում, տեսնենք՝ ինչ կանես»,— հանգիստ սկսել էր Կովալենկոն, իսկ ելույթի վերջում անցել բղավելու։
Բոբրիշևը մոտեցել է Կովալյենկոյին և ընդունել անտառ գնալու հրավերը․
«Արի, արի, ե՞րբ ես պատրաստ, ի՞նչ կարող ես անել, դու հարբեցող ես, դու սպորտի խայտառակությունն ես» ,- ասել է Բոբրիշևը։
Հայտնի չէ՝ կկայանա՞ արդյոք Կովալենկո-Բոբրիշև ռևանշը, սակայն ակնհայտ է, որ այս անգամ այն ուղիղ եթերում ավելի շատ մարդ կդիտի, քան առաջին մենամարտը։
