Հայաստան-Ֆրանսիա խաղից հետո իր տպավորություններով կիսվեց Հայաստանի երիտասարդական հավաքականի գլխավոր մարզիչ Ռաֆայել Նազարյանը։
«Այսօր խաղում էինք աշխարհի լավագույն հավաքականներից մեկի դեմ։ Դիտմամբ էինք ռոտացիայի դիմել, որ կարողանանք դիմակայել մրցակցին։ Այսպիսի խաղերում մրցակիցն է թույլ տալիս՝ ինչքանով մտնես խաղի մեջ։
Հյուսիսային Մակեդոնիայի դեմ հանդիպման հետ կապված՝ ընդհանուր առմամբ 4 օրում 96 ժամ եղել ենք ճանապարհին։ Այնտեղ տրամաբանական խաղը ոչ-ոքին էր։ Ինքս շատ դժգոհ եմ արդյունքներից։ Շատ խաղեր են եղել, որ ոչ ամբողջական կազմով ենք խաղացել։ Տարբեր հանգամանքներ կան, որոնք ազդել են մեր արդյունքների վրա։ Կրկնեմ՝ ես ինքս արդյունքներից դժգոհ եմ»,- նշեց Նազարյանը։
