2021/22 մրցաշրջանը թոփ-5 լիգաներում ավարտվել է, այժմ հավաքականներն են սկսել պայքարն իրենց մրցաշարերում և ընկերական խաղերում, և, օգտվելով նման առիթից, փորձել ենք անդրադարձ կատարել ուժեղագույն լիգաների ավարտված մրցաշրջանի արդյունքներին՝ թվերի և փաստերի տեսանկյունից։
Դե ինչ, շատ չերկարացնենք նախաբանը, միանգամից անցնենք մեր թվերին։
Ամենաարդյունավետ թիմերը
Մինչ կոնկրետ թիմերի ցուցանիշներին անցնելը, նշենք, որ ամենաարդյունավետ առաջնությունը դա Ա Սերիան է, իսկ վատագույնն այդ ցուցանիշով Լա Լիգան է։
Ա Սերիա — 1089 գոլ․ միջինը մեկ խաղում՝ 2,86 գոլ
ԱՊԼ — 1071 գոլ․ միջինը մեկ խաղում՝ 2,81 գոլ
Լիգա 1 — 1067․ միջինը մեկ խաղում՝ 2,80 գոլ
Բունդեսլիգա — 954 գոլ․ միջինը մեկ խաղում՝ 3,11 գոլ
Լա Լիգա — 951 գոլ․ միջինը մեկ խաղում՝ 2,5 գոլ
Սակայն, արդարության համար նշենք, որ միջինը մեկ խաղում գրանցված գոլերի առումով ամենաարդյունավետ առաջնությունը դա Բունդեսլիգան է․ Գերմանիայում թիմերն ավելի քիչ հանդիպում են անցկացնում՝ 306, իսկ մյուս լիգաներում՝ 380, որովհետև, ի տարբերություն մյուս առաջնությունների, Բունդեսլիգային մասնակցում է 18 թիմ 20-ի փոխարեն։ Ընդհանուր առմամբ՝ թոփ-5 լիգաներում գրանցվել է 5132 գոլ։
Եվս մեկ հետաքրքիր փաստ․ Լա Լիգայում արդյունավետության տեսանկյունից վիճակն այնքան «տխուր» է, որ նույնիսկ 380 խաղում ավելի քիչ գոլ է գրանցվել (3 գոլ պակաս), քան Բունդեսլիգայի 306 խաղում։
Թոփ-5 լիգաների ամենաարդյունավետ թիմերը․
Միայն 4 թիմ է այս մրցաշրջանում հաղթահարել 90 գոլի շեմը։ Այդ թիմերն են ԱՊԼ-ի երկու առաջատարները, Գերմանիայի և Ֆրանսիայի չեմպիոնները: Անսպասելի էր նաև այս ցուցակում տեսնել ֆրանսիական «Ռենին», որն ավելի շատ գոլ է խփել, քան, օրինակ՝ ՉԼ-ի այս մրցաշրջանի հաղթող «Ռեալը» կամ «Չելսին», «Տոտենհեմն» ու «Յուվենտուսը»։
1․ «Մանչեսթեր Սիթի» — 99 գոլ
2․ «Բավարիա» — 97 գոլ
3․ «Լիվերպուլ» — 94 գոլ
4․ ՊՍԺ — 90 գոլ
5․ «Բորուսիա Դ․» — 85 գոլ
6․ «Ինտեր» — 84 գոլ
7․ «Ռեն» — 82 գոլ
8-9․ «Ռեալ» — 80 գոլ
8-9․ «Բայեր» — 80 գոլ
10․ «Լացիո» — 77 գոլ
Ամենահուսալի պաշտպանություն ունեցող թիմերը
Այս ցուցանիշով ևս առաջատարները անգլիական երկու գրանդներն են։ Հետաքրքիր է, որ լավագույն տասնյակում չկա «Բավարիան», և ընդհանրապես՝ Բունդեսլիգայի որևէ ներկայացուցիչ։
1․ «Մանչեսթեր Սիթի» — 26 գոլ
2․ «Լիվերպուլ» — 26 գոլ
3․ «Սևիլյա» — 30 գոլ
4-7․ «Ռեալ» — 31 գոլ
4-7․ «Միլան» — 31 գոլ
4-7․ «Նապոլի» — 31 գոլ
4-7․ «Ռեալ» — 31 գոլ
8․ «Ինտեր» — 32 գոլ
9․ «Չելսի» — 33 գոլ
10-12․ «Նիցա» — 36 գոլ
10-12․ ՊՍԺ — 36 գոլ
10-12․ «Ատլետիկ» — 36 գոլ
Ամենաքիչ գոլ խփող թիմերը
Չես խփում գոլ, բնականաբար նաև չես էլ հաղթում։ Իհարկե, ամենաքիչ գոլերը խփում են առաջնությունների հետնապահները, դա տրամաբանական է։ Իսկ ամենաղետալի վիճակագրությունն այս ցուցանիշով ունի անգլիական «Նորվիչը», և ընդհանրապես, եթե նայեք ստորև ներկայացված թիմերին, կնկատեք, որ այս թիմերի մեծամասնությունն ավարտված մրցաշրջանից հետո հավաքել է ճամպրուկները և լքել մրցաշարը։
1․ «Նորվիչ» — 23 գոլ
2-3․ «Ջենոա» — 27 գոլ
2-3․ «Արմինիա» — 27 գոլ
4․ «Գրետուր Ֆյուրտ» — 28 գոլ
5․ «Ալավես» — 31 գոլ
6-7․ «Խետաֆե» — 33 գոլ
6-7․ «Սալերնիտանա» — 33 գոլ
8-11․ «Բարլնի» — 34 գոլ
8-11․ «Կալյարի» — 34 գոլ
8-11․ «Վենեցիա» — 34 գոլ
8-11․ «Ուոթֆորդ» — 34 գոլ
Ամենաանհուսալի պաշտպանություն ունեցող թիմերը
Այս անվանակարգում «օսկարակիրը» ֆրանսիական «Բորդոն» է։ Նշենք, որ սա միակ թիմն է, որը բաց է թողել 90-ից ավել գնդակ այս մրցաշրջանում։ Իսկ նրան հաջորդում է կրկին «Նորվիչը»։ Անսպասելի էր այս ցուցակում տեսնել նաև «Լիդսին», բայց Մարչի թիմը շատ գոլ բաց թողնելուց բացի, ի տարբերություն նույն «Նորվիչի», գոնե ավելի հաճախ է տխրեցրել նաև մրցակիցներին։ Հետաքրքիր է նաև «Սալերնիտանան», որը և՛ քիչ գոլ է խփել, և՛ շատ բաց թողել, բայց միևնույն է՝ պահպանել է իր կացությունն Ա Սերիայում։
1․ «Բորդո» — 91 գոլ
2․ «Նորվիչ» — 84 գոլ
3․ «Գրետուր Ֆյուրտ» — 82 գոլ
4․ «Լիդս» — 79 գոլ
5-7․ «Ուոթֆորդ» — 77 գոլ
5-7․ «Սալերնիտանա» — 77 գոլ
5-7․ «Սենտ Էտյեն» — 77 գոլ
8․ «Լևանտե» — 76 գոլ
9-10․ «Սպեցիա» — 71 գոլ
9-10․ «Հերտա» — 71 գոլ
Ամենաարդյունավետ ֆուտբոլիստները թոփ-5 լիգաներում
Այժմ առաջարկում ենք ծանոթանալ նաև թոփ առաջնությունների ամենաարդյունավետ ֆուտբոլիստների տասնյակին։ Ինչպես նախորդ տարի, այս մրցաշրջանում ևս մրցակցությունից դուրս է «Բավարիայի» ռմբարկու Ռոբերտ Լևանդովսկին։
Լավագույն ռմբարկուների տասնյակը․
1․ Ռոբերտ Լևանդովսկի. «Բավարիա»- 35 գոլ
2․ Կիլիան Մբապե. ՊՍԺ- 28 գոլ
3-4․ Կարիմ Բենզեմա․ «Ռեալ»- 27 գոլ
3-4․ Չիրո Իմոբիլե․ «Լացիո»- 27 գոլ
5․ Բեն Յեդեր․ «Մոնակո»- 25 գոլ
6-7․ Պատրիկ Շիկ․ «Բայեր»- 24 գոլ
6-7․ Դուշան Վլահովիչ․ «Յուվենտուս»- 24 գոլ
8-9․ Սոն Հին Մին․ «Տոտենհեմ»- 23 գոլ
8-9․ Մոհամեդ Սալահ․ «Լիվերպուլ»- 23 գոլ
10․ Էրլինգ Հոլանդ․ «Բորուսիա»- 22 գոլ
Լավագույն 20-յակում տեղ են զբաղեցնում հետևյալ ֆուտբոլիստները․
11-13․ Մարտին Տերիեր․ «Ռեն»- 21 գոլ
11-13․ Լաուտարո Լարտինես․ «Ինտեր»- 21 գոլ
11-13․ Մուսա Դեմբելե․ «Լիոն»- 21 գոլ
14-15․ Քրիսթոֆեր Նկունկու․ «Լայպցիգ»- 20 գոլ
14-15․ Էնթոնի Մոդեստ․ «Քյոլն»- 20 գոլ
16-18․ Կրիշտիանու Ռոնալդու․ «Մանչեսթեր Յունայթեդ»- 18 գոլ
16-18․ Յագո Ասպաս․ «Սելտա»- 18 գոլ
16-18․ Անդի Դելոր․ «Մոնպելյե», «Նիցա»- 18 գոլ
19-23․ Հարի Քեյն․ «Տոտենհեմ»- 17 գոլ
19-23․ Վինիսիուս․ «Ռեալ»- 17 գոլ
19-23․ Ռաուլ Դե Տոմաս․ «Էսպանյոլ»- 17 գոլ
19-23․ Ջիովանի Սիմեոնե․ «Վերոնա»- 17 գոլ
19-23․ Թեմի Աբրահամ․ «Ռոմա»- 17 գոլ
Նշենք, որ Լիոնել Մեսսին այս մրցաշրջանում չի հայտնվել թոփ-5 լիգաների ռմբարկուների լավագույն քսանյակում։ Ուշադրություն է գրավում այն փաստը, որ լավագույն քսանյակում 7 ֆուտբոլիստ ֆրանսիացի է։
Հետաքրքրիր ևս մեկ փաստ․ «Տոտենհեմի» hարավկորեացի հարձակվող Սոն Հին Մինը դարձավ Անգլիայի Պրեմիեր լիգայի 2021/2022 մրցաշրջանի լավագույն ռմբարկու։ Հարձակվողը տիտղոսը կիսել է «Լիվերպուլի» հարձակվող Մոհամեդ Սալահի հետ։ Եգիպտոսցին ու կորեացին Պրեմիեր լիգայի 35 խաղում 23-ական գոլ ունեն իրենց ակտիվում։ Նշենք, որ Սոն Հին Մինն առաջին ասիացի ֆուտբոլիստն է, ով դարձել է Պրեմիեր լիգայի մրցաշրջանի լավագույն ռմբարկու։
Անդրադառնանք նաև լավագույններին՝ գոլային փոխանցումների քանակով։
Թոմաս Մյուլեր․ «Բավարիա» — 18 գոլային փոխանցում
Կիլիան Մբապե․ ՊՍԺ — 17 գոլային փոխանցում
Լիոնել Մեսսի․ ՊՍԺ — 14 գոլային փոխանցում
Դոմենիկո Բերարդի․ «Սասուոլո»- 14 գոլային փոխանցում
Մոհամեդ Սալահ․ «Լիվերպուլ»- 13 գոլային փոխանցում
Ուսման Դեմբելե․ «Բարսելոնա»- 13 գոլային փոխանցում
Քրիսթոֆեր Նկունկու․ «Լայպցիգ»- 13 գոլային փոխանցում
⚽ Եվ վերջում, ևս մի շարք հետաքրքիր փաստեր․
Ամենաշատ հաղթանակ տարած թիմերը — «Մանչեսթեր Սիթի» (29 հաղթանակ)
Ամենաքիչ հաղթանակ տարած թիմերը — «Գրետուր Ֆյուրտ» (3 հաղթանակ)
Ամենահաճախ պարտություն կրած թիմերը — «Ուոթֆորդ» (27 պարտություն)
Ամենաքիչ պարտություն կրած թիմերը — «Լիվերպուլ» (2 պարտություն)
Ամենաշատ ոչ-ոքի գրանցած թիմերը — «Սևիլյա», «Ջենոա» (16 ոչ-ոքի)
