ՊՍԺ-ի հարձակվող Մաուրո Իկարդիի կինը և գործակալ Վանդա Նարան համաձայնության է եկել նախկին ամուսնու՝ Մաքսի Լոպեսի հետ ֆինանսական վեճի շուրջ, հայտնում է Gente-ն։
Տևական ժամանակ է, ինչ կողմերը վիճում են ֆինանսական խնդիրների շուրջ։ Վեճի պատճառներից մեկն այն է, որ «Բարսելոնայի» նախկին խաղացողը ալիմենտ չի վճարել իր երեք երեխաների մորը։
Վերջերս Վանդայի փաստաբան Անա Ռոզենֆելդին հաջողվել է լուծել նախկին ամուսինների վեճը։ Պայմանագրի արդյունքում Նարան դարձել է առանձնատան սեփականատեր Սանտա Բարբարայում՝ Արգենտինայի նահանգներից մեկում գտնվող դեպարտամենտում (ոչ ԱՄՆ-ում գտնվող Սանտա Բարբարա քաղաքը)։
Առանձնատունը գնահատվում է 2 մլն դոլար։ Ընդհանուր մակերեսը կազմում է 1800 քմ (800 քմ տարածք և 1000 քմ այլ տարածք)։ Եռահարկ տունն ունի հինգ լոգասենյակ, երկու ավտոտնակ և հինգ ննջասենյակ։
