Անգլիայի Գավաթի 1/16 եզրափակչում «Սաութհեմփթոնն» ընդունել է «Տոտենհեմին»: Հանդիպումը կայացել է Սաութհեմփթոնի «Սենթ-Մերի» մարզադաշտում և ավարտվել է ոչ-ոքի՝ 1:1 հաշվով:
58-րդ րոպեին հյուրերն առաջ են անցել հաշվի մեջ՝ Սոն Հին Մինի դիպուկ հարվածի շնորհիվ: Խաղավարտին՝ 87-րդ րոպեին, տանտերերի կիսապաշտպան Սոֆյան Բուֆալը կարողացել է փրկել իր թիմին պարտությունից:
Այսպիսով, թիմերը հանդիպումը կվերախաղարկեն Լոնդոնում:
Զուգահեռաբար ընթացող խաղում «Վեսթ Հեմ Յունայթեդը» պարտվել է «Վեսթ Բրոմվիչին» ու դուրս մնաց Անգլիայի Գավաթից: Հանդիպումը կայացել է Լոնդոնի «Օլիմպիական» մարզադաշտում ու ավարտվել 0:1 հաշվով:
Հանդիպման միակ գոլը հեղինակել է հյուրերի պաշտպան Կոնոր Թաունսենդը՝ 9-րդ րոպեին գրավելով մրցակցի դարպասը: Ընդ որում, «Վեսթ Բրովմիչը» խաղն ավարտել է 10 հոգով. 72-րդ րոպեին երկրորդ դեղին քարտն է ստացել պաշտպան Օլուվասեմիլոգո Աջային:
