Օրեր առաջ հրապարակված հարցումների համաձայն, Ճապոնիայում հարցվածների 77 տոկոսը համոզմունք է հայտնել, որ Օլիմպիական խաղերը տեղի չեն ունենա։
Քառամյակի գլխավոր մարզական ստուգատեսի կազմակերպիչները վստահ են, որ չնայած դժվարություններին, այդուհանդերձ իրենք կկարողանան անցկացնել Տոկիոյի 2021 թվականի ամառ տեղափոխված օլիմպիական խաղերը՝ մեկնաբանելով վերջին հարցումների արդյունքները, նշել է Օլիմպիական խաղերի կազմկոմիտեի խոսնակ Մասա Տակայան։
Երեկ Տոկիոյում գրանցվել է մեկ օրվա ընթացքում կորոնավիրուսի դրական արդյունքով թեստավորման նոր ռեկորդ՝ 224 նոր հիվանդ։ Ի դեպ, կազմակերպիչները հայտարարել են, որ բոլոր նրանք, ովքեր գնել են տոմսեր, կարող են հետ վերադարձնել ու ստանալ իրենց գումարը։
