Պորտուգալիայի ազգային հավաքականի լեգենդար հարձակվող Կրիշտիանու Ռոնալդուն վերջնականապես գժտվել է գլխավոր մարզիչ Ժորժե Ժեզուշի հետ և սկանդալով լքել է ազգային ընտրանու ճամբարը։
Ինչպես հաղորդում է Marca-ն, 41-ամյա ֆուտբոլիստն օգտվել է իր մասնավոր ինքնաթիռից և մեկնել Մադրիդ։
Ավելի վաղ հայտնի էր դարձել Ռոնալդուի և Ժեզուշի միջև ծագած կոնֆլիկտի մասին։ Պատճառն այն էր, որ աստղային ֆուտբոլիստն Ազգերի լիգայի շրջանակում Նորվեգիայի դեմ կայացած խաղն ամբողջությամբ անցկացրել էր պահեստայինների նստարանին։
Թեև պորտուգալացի մասնագետը հերքել էր ֆուտբոլիստի հետ լարվածության առկայությունը, սակայն վերջերս ակնարկել էր, որ Ռոնալդուն Դանիայի դեմ առաջիկա հանդիպմանը ևս կմնա պահեստայինների թվում։ Ըստ աղբյուրի՝ հենց այդ հայտարարությունից հետո է Կրիշտիանուն որոշում կայացրել հեռանալ հավաքականի տեղակայման վայրից։
Հավելենք, որ Դանիա — Պորտուգալիա հանդիպումը կկայանա հոկտեմբերի 1-ին և կմեկնարկի Երևանի ժամանակով 22։45-ին։
