Մամուլում նոր մանրամասներ են հայտնվել Մադրիդի «Ռեալի» գլխավոր մարզիչ Ժոզե Մոուրինյուի ապագայի վերաբերյալ։
Ինչպես հաղորդում է The Touchline-ը, մադրիդյան ակումբի ղեկավարությունը շարունակում է լիովին վստահել պորտուգալացի մասնագետին։ Ակումբում համոզված են, որ հանդերձարանում հավաքվել են մեծ էգո ունեցող չափազանց շատ ֆուտբոլիստներ, և միայն Մոուրինյուի մակարդակի մեծ մարզիչն ի զորու կլինի ղեկավարել և կառավարել այս թիմը։
Հիշեցնենք, որ պորտուգալացի մասնագետը «Ռեալի» ղեկը ստանձնել է ընթացիկ մրցաշրջանի մեկնարկից առաջ։
Նրա գլխավորությամբ թիմը Իսպանիայի Լա լիգայի 7 տուրից հետո վաստակել է 15 միավոր և զբաղեցնում է մրցաշարային աղյուսակի չորրորդ հորիզոնականը։ «Սերուցքայինները» առաջատար «Բարսելոնային» զիջում են 6 միավորով։
