Սաուդյան Արաբիան ներկայացնող «Ալ-Ահլին» պաշտոնապես հայտարարել է թիմի գլխավոր մարզչի պաշտոնում Մարինո Պուշիչի նշանակման մասին։ Խորվաթական և հոլանդական արմատներ ունեցող մասնագետը ակումբի հետ կնքել է 2 տարվա պայմանագիր։
Նախկինում Պուշիչն աշխատել է հոլանդական «Տվենտե», «ԱԶ Ալկմար» և «Ֆեյենորդ» ակումբներում։ 2018/19 մրցաշրջանում նա «Տվենտեին» դուրս է բերել Էրեդիվիզի, իսկ որպես Առնե Սլոթի օգնական՝ 2022/23 մրցաշրջանում օգնել է «Ֆեյենորդին» դառնալ Նիդերլանդների չեմպիոն և դրանից մեկ տարի առաջ հասնել ՈւԵՖԱ-ի Կոնֆերենցիաների լիգայի եզրափակիչ։
2023 թվականի հոկտեմբերից մինչև 2025 թվականի հունիսը Պուշիչը գլխավորել է «Շախտյորը», որի հետ դարձել է Ուկրաինայի չեմպիոն և երկու անգամ նվաճել երկրի գավաթը։ 53-ամյա մարզչի վերջին աշխատավայրը եղել է ԱՄԷ-ն ներկայացնող «Ալ-Ջազիրան»։ Նրա գլխավորությամբ ակումբը նվաճել է Ասիայի Չեմպիոնների լիգայի ուղեգիր և վերջին մի քանի տարվա ընթացքում առաջին անգամ հասել ազգային գավաթի խաղարկության եզրափակիչ։
«Ալ-Ահլիում» նշել են, որ Պուշիչի՝ հարձակվողական ֆուտբոլի, բարձր ինտենսիվության և տակտիկական ճկունության վրա հիմնված փիլիսոփայությունը լիովին համապատասխանում է ակումբի խաղաոճին ու հավակնություններին։ Նոր գլխավոր մարզչի հետ թիմ կժամանի նաև նրա մարզչական շտաբը, որի կազմը հայտնի կդառնա ավելի ուշ։
Al Ahli Club is pleased to announce the appointment of Marino Pusić as the new Head Coach of the First Team.
Welcome to Al Ahli, Coach! 💚 pic.twitter.com/knDs2PNwY2
— Al-Ahli Saudi Club (@ALAHLI_FCEN) August 5, 2026
