Ֆրանսիական ֆուտբոլի լեգենդար նախկին հարձակվող Թիերի Անրին հայտնել է, թե ում է համարում Ֆրանսիայի ընթացիկ ընտրանու ամենակարևոր ֆուտբոլիստը։ «Արսենալի» նախկին աստղն առանձնացրել է «Բավարիայի» 24-ամյա վինգեր Մայքլ Օլիսեին։
«Առանց գնդակի խաղում նրան հավասարը չկա: Սովորաբար նման տեխնիկապես հարուստ խաղացողները մոռանում են պաշտպանական պարտականությունների մասին, և բոլորը նրանց գնահատում են միայն գնդակով գործողությունների համար, բայց Օլիսեն այդպիսին չէ: Նա իսկական ֆենոմեն է:
Մայքլը պարզապես այլ կերպ է նայում խաղին։ Նա կարծես այլ մոլորակից լինի, ուղղակի տարբերվում է մյուսներից։ Լավագույնը միշտ կճանաչվի Մբապեն, որովհետև արդյունավետության տեսանկյունից ոչ ոք չի կարող համեմատվել նրա հետ, բայց թիմի ամենակարևոր խաղացողը Օլիսեն է»,- FOX Soccer ստուդիայի եթերում, ամփոփելով Շվեդիայի դեմ կայացած խաղը (3-0), հայտարարել է Անրին։
Հիշեցնենք, որ շվեդների դեմ հանդիպմանը Մայքլ Օլիսեն աչքի էր ընկել երկու գոլային փոխանցմամբ, իսկ Կիլիան Մբապեն դարձել էր դուբլի հեղինակ։
