Մադրիդի «Ռեալի» կիսապաշտպան Էդուարդո Կամավինգան հայտնվել է Միլանի «Ինտերի» հետաքրքրությունների շրջանակում։
Ինչպես տեղեկացնում է Corriere dello Sport պարբերականը, «ներաձուրիների» ներկայացուցիչները հարցում են կատարել ֆրանսիացի ֆուտբոլիստի հնարավոր տեղափոխության վերաբերյալ։ Այնուամենայնիվ, այս տրանսֆերը խիստ անհավանական է համարվում, քանի որ անձամբ կիսապաշտպանը մտադիր է շարունակել ելույթներն «արքայական» ակումբում և չի ցանկանում դիտարկել որևէ այլ առաջարկ։
Transfermarkt-ը Էդուարդո Կամավինգայի տրանսֆերային արժեքը գնահատում է 50 միլիոն եվրո։ Ավարտված մրցաշրջանում 23-ամյա ֆուտբոլիստը «սերուցքայինների» կազմում բոլոր մրցաշարերում մասնակցել է ընդհանուր առմամբ 43 հանդիպման՝ իր ակտիվում գրանցելով երկու գոլ և մեկ արդյունավետ փոխանցում։ Խաղացողի գործող պայմանագրի ժամկետը մադրիդյան ակումբի հետ ուժի մեջ է մինչև 2029 թվականը։
