Մադրիդի «Ռեալի» նախագահի պաշտոնում վերընտրվել է Ֆլորենտինո Պերեսը։ Այս մասին հայտնում է իսպանական հեղինակավոր El Chiringuito պարբերականը։
Նախագահական ընտրություններում 79-ամյա ֆունկցիոները վստահորեն շրջանցել է իր գլխավոր մրցակցին՝ Էնրիկե Ռիկելմեին՝ հավաքելով ձայների 64,1 տոկոսը։ Այսպիսով, Պերեսը կշարունակի ղեկավարել «արքայական» ակումբը ևս մի քանի տարի՝ մինչև 2030 թվականը։ Նշենք, որ նա այս պաշտոնն ստանձնում է արդեն 8-րդ անգամ անընդմեջ։
Սպասվում է, որ Պերեսի վերընտրվելը կհանգեցնի լուրջ փոփոխությունների թիմի կազմում և մարզչական շտաբում։ Ավելի վաղ շրջանառվող լուրերի համաձայն՝ ընտրություններում նրա հաղթանակի դեպքում «Ռեալի» գլխավոր մարզչի ղեկը կարող է վստահվել պորտուգալացի մասնագետ Ժոզե Մոուրինյուին։
Բացի այդ, վերընտրված նախագահն արդեն իսկ ազդարարել է պաշտպանական գծի երկու համալրման մասին՝ հաստատելով Իբրահիմա Կոնատեի («Լիվերպուլ») և Դենզել Դումֆրիսի («Ինտեր») տեղափոխությունները մադրիդյան ակումբ։
Հիշեցնենք, որ Իսպանիայի Լա Լիգայի ավարտված մրցաշրջանում Մադրիդի «Ռեալը» զբաղեցրել է մրցաշարային աղյուսակի 2-րդ հորիզոնականը՝ 8 միավորով զիջելով չեմպիոնի տիտղոսը նվաճած կատալոնական «Բարսելոնային»։
