Մադրիդի «Ռեալի» նախագահ Ֆլորենտինո Պերեսը հայտարարել է, որ ակումբը պատրաստվում է առնվազն 150 միլիոն եվրո առաջարկել եվրոպական թոփ-ակումբներից մեկի ֆուտբոլիստի համար։
Ավելի վաղ Պերեսը հայտարարել էր հունիսի 7-ին «արքայական ակումբի» նախագահի արտահերթ ընտրություններ անցկացնելու մասին: Այս պահին գրանցված է երկու թեկնածու՝ գործող նախագահը և Էնրիկե Ռիկելմեն։
«Կարող եմ տեղեկացնել արդեն երեք տրանսֆերի մասին՝ Մոուրինյու, Կոնատե և Դումֆրիս։ Բայց կլինեն նաև այլ անուններ։ Երեքշաբթի ես առաջարկ կանեմ Չեմպիոնների լիգայի թոփ-ակումբներից մեկի խաղացողի համար։ Դա կլինի ամենամեծ գումարը, որը «Ռեալը» երբևէ վճարել է՝ առնվազն 150 միլիոն եվրո։
Օլիսեն հիանալի ֆուտբոլիստ է, բայց նա այն խաղացողը չէ, ում մասին ես մտածում եմ։ Դա Դոկուն, Հալանդը կամ Քեյնը չէ։ Իմ նշած ֆուտբոլիստը խաղում է կիսապաշտպանությունում և հարձակման գծում»,- Պերեսի խոսքերն է մեջբերում իսպանական ազդեցիկ Marca պարբերականը։
Նշենք, որ Ֆլորենտինո Պերեսը «Ռեալի» նախագահի պաշտոնը զբաղեցրել է 2000-ից 2006 թվականներին և այդ պատասխանատու պաշտոնին վերադարձել է 2009-ին:
