Անգլիայի Պրեմիեր լիգայի 13-րդ տուրի շրջանակում «Մանչեսթեր Յունայթեդը» հյուրընկալվելիս մրցեց «Քրիսթալ Փելասի» հետ։ Լոնդոնում կայացած հանդիպումն ավարտվեց հյուրերի հաղթանակով՝ 2:1 հաշվով։
Խաղի հաշիվը 36-րդ րոպեին բացեցին տանտերերը. 11-մետրանոց հարվածն անվրեպ իրացրեց Ժան-Ֆիլիպ Մատետան: «Մանչեսթեր Յունայթեդը» պատասխանեց երկրորդ խաղակեսում։ Բրունու Ֆերնանդեշի կատարած գոլային փոխանցումներից հետո աչքի ընկան Ջոշուա Զիրկզեն (54-րդ րոպե) և Մեյսոն Մաունտը (63-րդ րոպե)՝ հաղթանակ պարգևելով իրենց թիմին։
Այս հաղթանակից հետո «Մանչեսթեր Յունայթեդը» վաստակեց 21 միավոր և զբաղեցնում է մրցաշարային աղյուսակի 6-րդ հորիզոնականը։ «Քրիսթալ Փելասը» 20 միավորով 7-րդն է։
Հաջորդ տուրում՝ դեկտեմբերի 4-ին, «Մանչեսթեր Յունայթեդը» սեփական հարկի տակ կընդունի «Վեսթ Հեմին», իսկ «Քրիսթալ Փելասը» մեկ օր շուտ արտագնա խաղ կանցկացնի «Բարնլիի» դեմ։
Հանդիպման գոլերը՝ ԱՅՍՏԵՂ
ԱՊԼ-ի մրցաշարային աղյուսակը
