«Ենիսեյի» ֆուտբոլիստների ու ղեկավարների աշխատավարձերը կկրճատվեն 10%-ով՝ կորոնավիրուսի համավարակի պատճառով առաջնությունում հայտարարված դադարի ընթացքում:
Այս մասին հայտնում է Կրասնոյարսկի ակումբի տնօրեն Ալեքսեյ Իվախովը:
«Այս պայմաններում, երբ ժամանակավորապես դադարեցված են մարզումներն ու մրցումները, երբ ռեգիոնալ բյուջեն կենտրոնացած է սոցիալական ուղղություններով աջակցության վրա, մենք ցանկանում ենք մեր կողմից օգնություն տրամադրել:
Որպեսզի աջակցենք «Ենիսեյին» այս բարդ ժամանակահատվածում, մենք առաջարկել ենք աշխատավարձերի նվազեցման գնալ: Հիանալի է, որ մեզ հասկացան: Կընդգծեմ՝ սա կշռադատված, գիտակցված և կամավոր որոշում է: Եվս մեկ անգամ շնորհակալություն եմ հայտնում տղաներին իրավիճակը հասկանալու և արձագանքելու համար»,- Իվախովի խոսքերն է փոխանցում ՖԱԼ-ի պաշտոնական կայքը:
Հիշեցնենք՝ «Ենիսեյում» է հանդես գալիս հայ հարձակվող Արթուր Սարկիսովը:
