«Տվենտե» ակումբի կազմում Նիդեռլանդների չեմպիոն դարձած Ռոնի Ստամը դատապարտվել է յոթ տարվա ազատազրկման՝ թմրանյութերի վաճառքի և փողերի լվացման մեղադրանքով, հայտնում է NOS-ը։
Դատարանը 41-ամյա նախկին պրոֆեսիոնալ ֆուտբոլիստին մեղավոր է ճանաչել, մասնավորապես, կոկաինի վաճառքի համար։
Ստամը ձերբակալվել է 2024 թվականի հունիսին և այդ ժամանակից ի վեր գտնվում է կալանքի տակ։
Նա և նրա 43-ամյա եղբայր Ռուդին հայտնվել են ոստիկանության ուշադրության կենտրոնում՝ հանցագործների կոտրված մեսենջերի միջոցով գաղտնազերծված նամակագրությունների շնորհիվ։
Դատարանը հաստատել է, որ Ռոնի Ստամը մասնակցել է Չիլիից մոտ 700 կիլոգրամ կոկաինի ներկրմանը՝ այդ գործընթացում ունենալով «որոշիչ և համակարգող դեր»։ Քննության համաձայն՝ եղբայրները եղել են թմրանյութերի վաճառքի միջազգային ցանցի մաս։
Ռոնի Ստամի եղբայր Ռուդին այս գործով դատապարտվել է երեքուկես տարվա ազատազրկման՝ անժամկետ բացակայության պայմաններում։ Նա փախուստի մեջ է և, ենթադրաբար, գտնվում է Դուբայում։
Անցյալ տարի նա արդեն դատապարտվել էր չորսուկես տարվա ազատազրկման՝ նմանատիպ հանցագործությունների համար։ Եղբայրներին պարտավորեցրել են պետությանը վերադարձնել հանցավոր գործունեությունից ստացված 1,7 միլիոն եվրոն և նշանակել 30,000 եվրո տուգանք։
