Մադրիդի «Ռեալը» չի հրաժարվել կիսապաշտպան Նիկոլաս Պասին հետ վերադարձնելու մտքից։ Այժմ 20-ամյա ֆուտբոլիստը մրցաշրջանն անցկացնում է «Կոմոյում», որտեղ նա գերազանց է հանդես գալիս Սեսկ Ֆաբրեգասի ղեկավարությամբ:
Ինչպես հայտնում է ինսայդեր Ֆաբրիցիո Ռոմանոն, իտալական ակումբը մտադիր է պահել տաղանդավոր արգենտինացուն ու կանի ամեն ինչ, որպեսզի ամռանը չկորցնի նրան։
Այժմ որոշումը մնում է «Ռեալին». Լա Լիգայի գրանդն ունի ֆուտբոլիստի տրանսֆերը գնելու առաջնային պայմանավորվածություն, որը նրանք կարող են օգտագործել մրցաշրջանից հետո:
Մադրիդյան թիմը կորոշի Պասի ապագան, երբ լուծվի մարզչական հարցը։ Կարլո Անչելոտին շուտով կարող է լքել պաշտոնը, իսկ նրա տեղը, ամենայն հավանականությամբ, կզբաղեցնի Խաբի Ալոնսոն. նա էլ պետք է որոշի, թե արդյոք «Ռեալին» անհրաժեշտ է Պասը։
