Իտալական ֆուտբոլի լեգենդ Ֆրանչեսկո Տոտտին նշել է Ա սերիայի չեմպիոնության գլխավոր հավակնորդներին։
7 տուրից հետո մրցաշարային աղյուսակը գլխավորում է «Նապոլին»՝ 2 միավորով առաջ անցնելով «Ինտերից»: «Նապոլին» անցած մրցաշրջանում զբաղեցրել է ընդամենը տասներորդ հորիզոնականը, սակայն Տոտտին զարմացած չէ Անտոնիո Կոնտեի գլխավորությամբ իրենց առաջընթացից:
«Բացարձակապես ոչ: Կոնտեն հիանալի մարզիչ է մեծ թիմում. «Նապոլին», «Յուվենտուսը» և «Ինտերը» Սկուդետոյի ֆավորիտներն են»,- Տոտտիի խոսքերն է մեջբերում TMW-ն։
Տոտտին «Ռոմայի» հետ մեկ տիտղոս է նվաճել Ա Սերիայում (2000–01) և իր ողջ կարիերան անցկացրեց «Ստադիո Օլիմպիկո»-ում՝ 786 խաղում խփելով 307 գոլ։
