Փոթերը հնարավոր է գլխավորի իտալական թոփ ակումբը

Լոնդոնի «Չելսիի» նախկին մարզիչ Գրեհեմ Փոթերը մոտ ժամանակներս կարող է վերադառնալ աշխատանքի։

Լրագրող Նիկոլո Սկիրայի տեղեկություններով՝ անգլիացի մասնագետն իր ծառայություններն է առաջարկել իտալական «Ռոմային», որն այսօր պաշտոնապես հեռացրեց Դանիելե դե Ռոսիին։

Հիշեցնենք, որ Փոթերը գործազուրկ է մնացել 2023 թվականի գարնանից, երբ հեռացվեց «Չելսիից»։

Փոթերը նաև Անգլիայի հավաքականի գլխավոր մարզչի պաշտոնի ֆավորիտներից մեկն է։ Դորտմունդի «Բորուսիայի» նախկին մարզիչ Էդին Թերզիչը և «Տորինոյի» նախկին գլխավոր մարզիչ Իվան Յուրիչը ևս համարվում են «Ռոմայի» գլխավոր մարզչի պաշտոնի թեկնածու։