«Միլանի» և «Ինտերի» նախկին հարձակվող Մարիո Բալոտելին հայտարարել է իտալական Ա Սերիա վերադառնալու ցանկության մասին:
Միևնույն ժամանակ, հարձակվողը նշել է, որ առաջարկներ ունի այլ լիգաների ակումբներից։
«Ես մարզվում եմ, լավ մարզավիճակում եմ։ Ես հանգիստ եմ իմ ապագայի հարցում։ Միակ բանը, որ ուզում եմ ասել, այն է, որ այլ լիգաներից առաջարկներ ունեմ ու ունեցել եմ։
Բայց ես ցանկություն ունեմ վերադառնալ Իտալիա։ Ես սպասել եմ սրան և հուսով եմ, որ նման հնարավորություն կստեղծվի։ Ես պատրաստ եմ»,- Բալոտելիի խոսքերն է մեջբերում TMW-ն։
