2024 թվականի Եվրոպայի առաջնության հաղթող Իսպանիայի և 2024 թվականի Կոպա Ամերիկայի հաղթող Արգենտինայի միջև եզրափակիչ հանդիպումը կկայանա 2026 թվականի մարտին։ Այս մասին հայտնել է լրագրող Գաստոն Էդուլը X սոցիալական ցանցում։
Աղբյուրի փոխանցմամբ՝ 2025 թվականի օրացույցում տեղ չկա այս հանդիպումը անցկացնելու համար։
Հիշեցնենք, որ սա կլինի Ֆինալիսիմայի 4-րդ խաղարկությունը պատմության մեջ։ Մրցաշարի վերջին հաղթողը Արգենտինայի հավաքականն է։ Վճռորոշ խաղում «Ալբիսելեստեն» 3։0 հաշվով հաղթեց այդ պահին Եվրոպայի գործող չեմպիոն Իտալիայի հավաքականին։ Գոլի հեղինակ դարձան Լաուտարո Մարտինեսը, Անխել դի Մարիան և Պաուլո Դիբալան։
