Ֆուտբոլի պատմության լավագույն կենտրոնական հարձակվողները

Give me Sport հրատարակությունը կազմել է ֆուտբոլի պատմության լավագույն կենտրոնական հարձակվողների վարկանիշը։

Ցուցակը գլխավորում է աշխարհի եռակի չեմպիոն Պելեն։ Երկրորդ տեղում է անցյալ դարի հունգարացի լավագույն ֆուտբոլիստ Ֆերենց Պուշկաշը։ Լավագույն եռյակը եզրափակել է «Բավարիայի» պատմության լավագույն ֆուտբոլիստներից մեկը՝ Գերդ Մյուլերը։

Կրիշտիանու Ռոնալդուն և Լիոնել Մեսսին չեն ընդգրկվել վարկանիշում, քանի որ կարիերայի ընթացքում տարբեր դիրքերում են խաղացել։

Պատմության լավագույն 10 կենտրոնական հարձակվողները ըստ հրապարակման.

1. Պելե;

2. Ֆերենց Պուշկաշ;

3. Գերդ Մյուլլեր;

4. Ռոմարիո;

5. Էյսեբիո;

6. Ալֆրեդո դի Ստեֆանո;

7. Ռոնալդո;

8. Թիերի Անրի;

9. Ջիմի Գրիվս;

10. Ուեյն Ռունի

Վարկանիշը կազմելիս հաշվի են առնվել հետևյալ ցուցանիշները՝ խփած գոլերի քանակը, նվաճած գավաթները, ինչպես նաև անձնական ձեռքբերումները։