«Յուվենտուսի» նախկին պաշտպան Լեոնարդո Բոնուչին խոսել է թուրինյան ակումբի գլխավոր մարզչի պաշտոնում մասնագետ Տիագո Մոտտայի նշանակման մասին։
«Ես չեմ կարող հեռու մնալ «Յուվենտուսից». Այն եղել և մնում է ֆուտբոլի և որպես խաղացող իմ կյանքի հանդեպ հավատի մի մասը: Տիագո Մոտան ուժեղ թիմ ունի, որը կարողացել է ուժեղացնել կազմը նոր խաղացողներով։ Նա դեռ ժամանակ կունենա մեզ հաճոյանալու համար։ Հուսով եմ, որ «Յուվենտուսը» առաջինից վերջին օրը կրկին կկարողանա նրա հետ պայքարել Սկուդետոյի համար։ Համոզված եմ, որ նա ցույց կտա, թե ինչ արժեք ունի: Նա մարզչի հիանալի պատրաստություն է անցել»,- Բոնուչիի խոսքերն է մեջբերում Calciomercato.it-ը։
Հիշեցնենք, որ հունիսի 12-ին «Յուվենտուսը» հայտարարել էր Տիագո Մոտային գլխավոր մարզիչ նշանակելու մասին Մասիմիլիանո Ալեգրիի պաշտոնանկությունից հետո։
Տիագո Մոտտան պրոֆեսիոնալ խաղացողի կարիերան ավարտել է 2018 թվականին։ Նրա վերջին ակումբը ֆրանսիական ՊՍԺ-ն էր։ 2018/2019 մրցաշրջանում Մոտտան գլխավորել է ՊՍԺ-ի մինչև 19 տարեկանների թիմը, 2019 թվականի հոկտեմբերից դեկտեմբերը գլխավորել է իտալական «Ջենոան», իսկ 2021/2022 մրցաշրջանում՝ «Սպեցիան»։ 2022 թվականի սեպտեմբերին Մոտտան գլխավորել է «Բոլոնիան», որի հետ անցած մրցաշրջանում զբաղեցրել է Ա Սերիայի հինգերորդ տեղը՝ երաշխավորելով մասնակցությունը Չեմպիոնների լիգայի հաջորդ խաղարկությանը։
