Գանձասարը ստացել է Առաջին խմբի չեմպիոնական գավաթը

Կապան քաղաքը ներկայացնող «Գանձասարը»  ստացավ Առաջին խմբի չեմպիոնական գավաթը։ Այս մասին հայտնում է ՀՖՖ մամուլի ծառայությունը։

Կապանի «Լեռնագործ»  մարզադաշտում հաղթող թիմին չեմպիոնական մեդալներով և գավաթով պարգևատրեց ՀՖՖ նախագահի խորհրդական Արթուր Սահակյանը։

Հիշեցնենք, որ կապանյան թիմը ժամանակից շուտ՝ 27-րդ տուրում էր դարձել Առաջին խմբի հաղթող։