2024 թվականի մայիսի 19-ին Երևանում, արդեն երկրորդ տարին անընդմեջ, կանցկացվի Հերոսների լիգայի «One Run – First Run» միջազգային խոշորագույն կիսամարաթոնը։ «One Run — First Run» միջազգային կիսամարաթոնին կմինանան 1000-ից ավել մասնակիցներ։
Կիսամարաթոնը անցկացվում ՀՀ կրթության, գիտության, մշակույթի և սպորտի նախարարության աջակցությամբ։
Երևանում մրցավազքը կանցկացվի չորս մրցատարածություններում՝ 1, 5, 10 կամ 21,1 կմ (կիսամարաթոն)։ Վազքը մեկնարկելու է Երևանի սրտից՝ Հանրապետության Հրապարակից, և կանցնի մեր քաղաքի կենտրոնական զարկերակներով՝ Նալբանդյան, Իսահակյան, Տերյան, Արամի, Աբովյան փողոցներով և Կոմիտասի անվան պետական կոնսերվատորիայի, Թումանյանի անվան ազգային տիկնիկային թատրոնի, Սպենդիարյանի անվան օպերայի և բալետի ազգային ակադեմիական թատրոնի, Կարապի լճի, Ստանիսլավսկու անվան դրամատիկական թատրոնի ու Մոսկվա կինոթատրոնի կողքով։
«One Run – First Run» կիսամարաթոնին կարող է մասնակից դառնալ 6 տարեկանից բարձր յուրաքանչյուր անձ: Մրցավազքը բացառիկ հնարավորություն է ակտիվ հանգստյան օրեր անցկացնել ընտանիքի կամ ընկերների հետ, գտնել համախոհներ կամ
սահմանել անձնական ռեկորդ:
Կիսամարաթոնին կարող են մասնակցել բոլոր ցանկացողները՝ գրանցվելով onerunarmenia.com կայքում:
Նույն օրն ավելի քան 160,000 անձ կմիանա «One Run» կիսամարաթոնի մեկնարկին Ռուսաստանի բոլոր մարզերում, որտեղ միջոցառումը կիրականացվի արդեն 8-րդ անգամ «ЗаБег.РФ» անվան ներքո և շուրջ 30,000 վազորդներ 15 երկրներում, այդ թվում՝ Հայաստանում, Բելառուսում, Սերբիայում, Չինաստանում, Բրազիլիայում, Եգիպտոսում, Արաբական Միացյալ Էմիրություններում, Քաթարում, Բահրեյնում, Ուզբեկստանում, Ղրղզստանում, Տաջիկստանում, Նեպալում, Պակիստանում և Կամերունում։
