Ռուսաստանի Պրեմիեր լիգայի 2023/2024 մրցաշրջանի 27-րդ տուրում «Կրասնոդարը» սեփական հարկի տակ ընդունել է «Ախմատին», սակայն նվազագույն հաշվով պարտություն են կրել:
Հանդիպման միակ գոլը խփվել է երկրորդ խաղակեսի հենց սկզբում։ 46-րդ րոպեին հյուրերին առաջ է մղել Երևանի «Փյունիկի» նախկին հարձակվող Մուհամեդ Կոնատեն՝ գրավելով տանտերերի դարպասը:
Հայաստանի հավաքականի ֆուտբոլիստ Էդուարդ Սպերցյանը «Կրասնոդարի» կազմում մասնակցել է ամբողջ հանդիպմանը, իսկ պաշտպան Գեորգի Հարությունյանը մնացել է պահեստայինների նստարանին:
Ռուսաստանի առաջնությունում անցկացրած 27 հանդիպումներից հետո «Ախմատը» վաստակել է 32 միավոր և զբաղեցնում է 10-րդ տեղը։ ՌՊԼ-ում նույնքան հանդիպումներից հետո «Կրասնոդարը» վաստակել է 50 միավոր և երկրորդ տեղում է։ «Զենիթը» 50 միավորով գլխավորում է մրցաշարային աղյուսակը: Նշենք, որ Սանկտ-Պետերբուրգը ներկայացնող թիմը մեկ հանդիպում պակաս է անցկացրել:
