«Փյունիկի» բժշկական անձնակազմի ղեկավար Վահագն Գևորգյանի ու ակումբի միջև պայմանագիրը երկկողմանի համաձայնությամբ խզվել է։ Այս մասին հաղորդում է ակումբի մամուլի ծառայությունը։
Գևորգյանը երևանյան ակումբում աշխատում էր 2021 թվականի սկզբից։ Նա օգնել է թիմին նվաճել Հայաստանի առաջնության ոսկե մեդալները 2021/22 մրցաշրջանում ու իր ներդրումն ունեցել նախորդ մրցաշրջանի եվրագավաթային հաջողություններում։
«Իմ ճանապարհորդությունն այս հիանալի թիմի հետ սկսվեց 2021 թվականին, և մենք միասին անցանք անհավատալի ճանապարհորդություն՝ լի վերելքներով, վայրէջքներով և անթիվ-անհամար անմոռանալի պահերով: Երբ ստանձնեցի այս պաշտոնը, մենք ամենաներքևում էինք և պայքարում էինք ոտքի վրա մնալու համար։ Չնայած ամեն ինչի, չհանձնվեցինք, միասին դիմադրեցինք ու հասանք բարձունքին։
Ուզում եմ իմ խորին երախտագիտությունը հայտնել վստահության, քրտնաջան աշխատանքի և գործակցության համար։ Ձեզանից յուրաքանչյուրը իր հետքն է թողել իմ կյանքում և ես հավերժ երախտապարտ կլինեմ հիշողությունների համար, որոնց հասանք միասին։
Անցնելով կարիերայիս հաջորդ գլխին՝ ուզում եմ, որ իմանաք, որ դուք միշտ առանձնահատուկ տեղ կունենաք իմ սրտում»,-ասել է Գևորգյանը ակումբի մամուլի ծառայության հետ զրույցում։
Ակումբը շնորհակալություն է հայտնել բժիշկին անմնացորդ նվիրման, պրոֆեսիոնալիզմի ու հաջողություն մաղթել բոլոր նոր նախաձեռնություններում։
