Չավին Ժոաո Ֆելիքսին չի դիտարկում որպես Ուսման Դեմբելեին փոխարինողի։
Հիշեցնենք, որ Ուսման Դեմբելեն «Բարսելոնայի» ղեկավարությանը հայտնել է ակումբը լքելու և ՊՍԺ-ին միանալու իր ցանկության մասին: Չավին հիասթափված է եզրային հարձակվողի որոշումից, քանի որ նրան համարում էր թիմի առանցքային խաղացող։
Ինչպես հայտնում է Diario Sport-ը, Չավին ղեկավարությանը խնդրել է ձեռք բերել եզրային հարձակվողի՝ Դեմբելեին փոխարինելու համար: Միաժամանակ, «Բարսելոնայի» գլխավոր մարզիչն այս դերի համար չի դիտարկում Ժոաո Ֆելիքսին՝ նախընտրելով թիմում աշխատող և պաշտպանությունում մարզվելու ունակ խաղացողի։
Այնուամենայնիվ, «Բարսելոնայի» ղեկավարությունը հետաքրքրված է Ֆելիքսի ծառայություններով և դիտարկում է եզրային հարձակվողին «Ատլետիկոյից» վարձակալելու տարբերակը, քանի որ ակումբը չի կարող իրեն թույլ տալ լիարժեք տրանսֆեր:
Հիշեցնենք, որ ավելի վաղ Ժոաո Ֆելիքսը հայտարարել էր «Բարսելոնայում» խաղալու ցանկության մասին: «Ատլետիկոն» հավանություն է տվել պորտուգալացու վարձակալությանը՝ գնելու հնարավորությամբ:
