«Մանչեսթեր Սիթիի» և Նորվեգիայի հավաքականի հարձակվող Էրլինգ Հոլանդը չի հանրայնացնում անձնական կյանքը, ինչը բավականին զարմանալի է ինտերնետային դարաշրջանի համար, հատկապես, եթե հաշվի առնենք ֆուտբոլիստի աստղային կարգավիճակը:
Այնուամենայնիվ, նորվեգացին չկարողացավ մինչև վերջ գաղտնի պահել հարաբերությունները մեդիայից:
Չեմպիոնների լիգայի եզրափակչի ամենահուզիչ պահերից էին Էրլինգ Հոլանդի արցունքները և աղջկան գրկելը։ Մրցանակից հետո հարձակվողը համբուրեց Իզաբել Յոհանսենին՝ տեսախցիկներից թաքնվելով Նորվեգիայի դրոշով. այս կադրերը, առանց չափազանցության, տարածվեցին ամբողջ աշխարհով:
Այսպիսով, ով է Իզաբելը, և երբվանից են նրանք թաքնվում հասարակությունից:
Էրլինգը և Իզաբելը ծանոթ են մանկուց։ Նրանք հանդիպել են «Բրունե» ֆուտբոլային ակումբի ակադեմիայում. այո՛, աղջիկը նույնպես մարզվում էր և ցանկանում էր ֆուտբոլիստ դառնալ:
Երկար ժամանակ նրանց հարաբերություններն ընկերական բնույթ էին կրում, բայց մոտ մեկ տարի առաջ Էրլինգը, այնուամենայնիվ, անցավ ընկերական գոտու սահմանները։ Աղջկան մի քանի անգամ տեսել են «Սիգնալ Իդունա Պարկ» մարզադաշտում՝ Հոլանդի ընտանիքի հետ, իսկ երբ Էրլինգը «Բորուսիայից» «Ման Սիթի» տեղափոխվեց, Իզաբելը նրա հետ տեղափոխվեց Անգլիա։
Վերջերս նորվեգացի գեղեցկուհին նշեց իր 19-ամյակը. նա հարձակվողից գրեթե չորս տարով փոքր է։ Պրոֆեսիոնալ ֆուտբոլն անցյալում է, այժմ նա աշխատում է Մանչեսթերի նորաձև հագուստի բուտիկում։
Իսկ մինչ բոլորը դիտում էին Կատարում կայացած Աշխարհի առաջնությունը, Հոլանդը հանգստանում էր Մարբելայում։ Այնտեղ էր, որ ամենուր հանդիպող լրագրողները նրան առաջին անգամ տեսան Իզաբելի հետ։ Զույգի լուսանկարներն ակնթարթորեն հրապարակվեցին բոլոր մարզական ռեսուրսների կողմից, իսկ անգլիական The Sun պարբերականը սկսեց տեղեկություններ հայտնաբերել ֆուտբոլիստի ուղեկցի մասին։
Նկատենք, որ դա այնքան էլ հեշտ չէր անել, քանի որ Էրլինգի ընկերուհին սոցիալական ցանցերում էջեր չունի. ասում են, որ նա դրանք ջնջել է, երբ սկսել է ընկերություն անել հարձակվողի հետ։ Այո՛, 2023 թվականին գոյություն ունեն մարդիկ առանց սոցիալական ցանցերի:
Բնականաբար, մինչ այդ ֆուտբոլիստին անձնական կյանքի մասին հարցեր ուղղել են: Մի անգամ նա ծիծաղել է՝ ասելով. «Իմ ընկերուհիները ֆուտբոլի գնդակներն են: Գնդակներով եմ քնում հեղինակածս յուրաքանչյուր հեթ-տրիկից հետո: Ես պառկում եմ անկողնում և նրանց հետ ինձ լավ եմ զգում»:
Բայց Մարբելայից հրապարակված նկարներից հետո սիրահարները դադարեցին թաքցնել իրենց հարաբերությունները։ Օրինակ՝ Էրլինգն ու Իզաբելը Պրեմիեր լիգայում տարած հաղթանակի պատվին մասնավոր երեկույթի էին գնացել նույնանման հագուստով։ Այո, նաև պաշտոնական մրցանակաբաշխության ժամանակ էր զույգը միասին:
ՉԼ եզրափակչին Յոհանսենը Ստամբուլ էր գնացել Հոլանդի հոր հետ, և արդեն գիտեք, թե ինչ կատարվեց եզրափակիչ սուլիչից հետո:
