«Մանչեսթեր Սիթիի» հարձակվող Էրլինգ Հոլանդը վստահաբար շարունակում է գլխավորել «Ոսկե խաղակոշիկի» համար մրցավազքը։
Նորվեգացին արդեն 36 գոլ է խփել այս մրցաշրջանում, իսկ ԱՊԼ-ի գործակիցը «Ոսկե խաղակոշիկի» վարկանիշում 2 է։ Նա այս պահին ունի 72 միավոր և շարունակում է վստահորեն գլխավորել վարկանիշը։ Ընդ որում, նա այս մրցաշրջանում դեռևս միակ ֆուտբոլիստն է, ով հատել է 30 գոլի շեմը թոփ-5 առաջնության խաղերում։
Հիշեցնենք, որ այս մրցանակի համար հաշվի են առնվում միայն ներքին առաջնությունում գրանցած արդյունքները։
Երկրորդ և երրորդ տեղերը կիսում են ԱՊԼ-ի մեկ այլ ներկայացուցիչ՝ «Տոտենհեմի» հարձակվող Հարի Քեյնն ու Լիգա 1-ի ներկայացուցիչ Կիլիան Մբապեն (ՊՍԺ)՝ 28-ական գոլով (56 միավոր)։ Ալեքսանդր Լակազետը («Լիոն») չորրորդն է, ով այս պահի դրությամբ վաստակել է 52 միավոր (24 գոլ)։
Իսկ «Նապոլիի» հարձակվող Վիկտոր Օսիմհենը եզրափակում է լավագույն հնգյակը 23 գոլով։
«Ոսկե խաղակոշիկ»․ Լավագույն հնգյակն այս պահի դրությամբ
1․ Էրլինգ Հոլանդ — 72 միավոր (36 գոլ x 2 գործակից)
2-3․ Հարի Քեյն — 56 միավոր (28 գոլ x 2 գործակից)
2-3․ Կիլիան Մբապե — 56 միավոր (28 գոլ x 2 գործակից)
4. Ալեքսանդր Լակազետ — 52 միավոր (26 գոլ x 2 գործակից)
5․ Վիկտոր Օսիմհեն — 46 միավոր (23 գոլ x 2 գործակից)
