Ահա և ավարտվեց Աշխարհի առաջնության խմբային փուլը։ Վերջին մեկ շաբաթը մեզ պարգևեց անակնալներ, բազմաթիվ էմոցիաներ, հիանալի դրվագներ․․․ Առաջարկում ենք միասին վերհիշել այս շաբաթվա լավագույն դրվագները՝ լուսանկարներով։
⚽ Արգենտինացիներն ու մեքսիկացիները դուրս են գալիս խաղադաշտ․․․
⚽ Լուսանկարներ Արգենտինա-Մեքսիկա հանդիպումից․․․ Մեսսին դարձավ գոլի ու գոլային փոխանցման հեղինակ այդ խաղում՝ 2-0 հաշվով հաղթանակ պարգևելով իր թիմին։
⚽ Իսկ այս երկրպագուն երևի մեքսիկացի էր, բայց նաև Մեսսիի երկրպագուն․․․
⚽ Դեյվիսը Կանադայի հավաքականի առաջին գոլն է խփում ԱԱ-ում․․․
⚽ Բայց կանադացիները պարտվեցին Խորվաթիայի ընտրանուն։
⚽ Մարոկկոյի հավաքականը հրաշալի հաղթանակ տարավ նախորդ ԱԱ-ի բրոնզե մեդալակիրների նկատմամբ։
💖 Իսկ Հակիմին հաղթանակը տոնում է իր մոր հետ․․․
⚽ Իսկ ահա երկրորդ տուրի կենտրոնական խաղում Գերմանիան և Իսպանիան ոչ-ոքի խաղացին։
⚽ Կոստա Ռիկան էլ անակնկալ հաղթանակ է տանում Ճապոնիայի նկատմամբ։
⚽ Ճապոնիայի հավաքականի երկրպագուները հանդիպման ավարտից հետո մնացել են մարզադաշտում։ Երկրպագուները մաքրել են նույնիսկ Կոստա Ռիկայի հավաքականի երկրպագուների տրիբունաները: Ճապոնիայի հավաքականի ֆուտբոլիստներն էլ իրենց հերթին խաղից հետո մաքրել են հանդերձարանը և ավանդույթի համաձայն որպես հուշանվեր թողել օրիգամիներ։
⚽ Աբուբակարը, որը քիչ առաջ էր փոխարինման դուրս եկել, դառնում է այս ԱԱ-ի ամենատպավորիչ գոլերից մեկի հեղինակը։
⚽ Իսկ ահա Կուդուսը՝ Հարավային Կորեայի դարպասը գրավելուց հետո գոլը տոնելիս․․․ ինչ-որ տեղ հիշեցնում է կորեական հայտնի Gangnam Style երգի պարը․․․
⚽ Իսկ ահա այսպես կորեացի Չուն իր երկրորդ գնդակն է խփում գանացիների դարպասը՝ հավասարեցնելով հանդիպման հաշիվը։
⚽ Բայց այս խաղում հաղթանակը տոնեցին աֆրիկացիները․․․
⚽ Որքա՜ն էմոցիաներ կային այս խաղում․․․
Գանայի հավաքականի մարզիչը սելֆի է արել Հարավային Կորեայի հավաքականի հարձակվող Սոն Հին Մինի հետ, երբ ֆուտբոլիստը լաց էր լինում։ Սոնը վրդովվել էր պարտությունից, սակայն դա չխանգարեց գանացի մարզչին փորձել լուսանկարվել: Գանայի հավաքականի մյուս անդամները փորձել են հեռացնել մասնագետին ֆուտբոլիստից, սակայն նա, այնուամենայնիվ, սելֆի է արել։
⚽ Իսկ ահա Գանայի հավաքականի ֆուտբոլիստը, ընդհակառակը, մխիթարում էր մրցակից թիմի ավագին․․․
⚽ Կամերունի հավաքականի երկրպագուները հետ չեն մնում գանացիներից․․․
⚽ Կազեմիրոյի դիպուկ հարվածը Բրազիլիային փլեյ-օֆֆի ուղեգիր է պարգևում․
Պորտուգալիա-Ուրուգվայ․․․ Տրբունաներում տրամադրությունը բավականին բարձր է
⚽ Գակպոն դարձել է Նիդերլանդների հավաքականի առաջին ֆուտբոլիստը, ով գոլ է խփել Աշխարհի առաջնության խմբային փուլի բոլոր երեք խաղերից յուրաքանչյուրում:
⚽ Իսկ Կուլիբալին գրավում է Էկվադորի հավաքականի դարպասը և իր թիմին պարգևում ԱԱ-2022-ի փլեյ-օֆֆի ուղեգիր։
⚽ Լուսանկարներ Իրան-ԱՄՆ հանդիպումից․․․
Խմբային փուլի վերջին տուրի խաղում ամերիկացիները 1-0 հաշվով հաղթեցին Իրանի հավաքականին։ Այս հաղթանակի շնորհիվ ամերիկյան թիմը երաշխավորեց մրցաշարի փլեյ-օֆֆի ուղեգիրը։ Իրանցիները չկարողացան նվաճել հաջորդ փուլի ուղեգիր, թեև ԱՄՆ-ի հավաքականի հետ խաղում նրանց ոչ-ոքին բավական կլիներ։ Հանդիպումից հետո ԱՄՆ-ի հավաքականի խաղացողները, մասնավորապես՝ Էնթոնի Ռոբինսոնը և Ջոշուա Սարջենթը, մխիթարել են իրանցի ֆուտբոլիստներին՝ պաշտպաններ Ռամին Ռեզայանին, Աբոլֆազլ Ջալալին և այլ իրանցի խաղացողների։
⚽ Արգենտինան հաղթեց Լեհաստանին, և երկու թիմերն էլ դուրս եկան փլեյ-օֆֆ․․․
⚽ Թունիսցիները հաղթում են Ֆրանսիային, բայց, միևնույն է, փլեյ-օֆֆ չեն կարողանում դուրս գալ։
⚽ Իսկ հյուսիսաֆրիկյան մյուս թիմը՝ Մարոկկոն, հաղթեց կանադացիներին և իր խմբում զբաղեցրեց առաջին տեղը։
⚽ Կամերունցիները բարձր նոտայով են ավարտում ԱԱ-ում իրենց ելույթները՝ հաղթելով վերջին խաղում բրազիլացիներին․․․ Նրանք հեռանում են գլուխները բարձր պահած․․․
⚽ Ճապոնիան ֆանտաստիկ սցենարով է ավարտում խմբային փուլը․․․ Վերջին տուրում, արդեն ավանդույթի համաձայն, ճապոնացիները գերկամային որակներ են դրսևում՝ հաղթելով նաև իսպանացիներին․․․ Ծագող արևի երկրի հավաքականն առաջին տեղն է զբաղեցնում խմբում, որում ընդգրկված էին Իսպանիան և Գերմանիան․․․
⚽ Եվ վերջում՝ արցունքներ․․․ երկու լուսանկար, որոնցում արցունքներ են, բայց նկարներից առաջինում Սուարեսի արցունքներն են մրցաշարը լքելու, երկրորդում՝ Սոնի արցունքները՝ փլեյ-օֆֆ դուրս գալու կապակցությամբ․․․
Վերջին երկու լուսանկարները արտացոլում են բոլորիս զգացմունքները խմբային փուլից հետո։ Մեկս տխրում է, որ իր սիրելի թիմը չի շարունակում ճանապարհն այս ԱԱ-ում, մյուսն ուրախ է իր ֆավորիտի հաջողություններով․․․ Սա ֆուտբոլն է, սա Աշխարհի առաջնությունն է․․․