63 կգ քաշային Հրաչյա Պողոսյանը բրոնզե մեդալ է նվաճել Մ23 տարեկանների աշխարհի առաջնությունում։ Վճռորոշ գոտեմարտում Պողոսյանը մրցել է Ուկրաինայի ներկայացուցիչ Մաքսիմ Լիուի հետ և հաղթանակ տարել։
Պողոսյանը պայքարը սկսել էր 1/8 եզրափակչից, որտեղ 1-1 հաշվով հաղթել էր մոլդովացի Վիտալի Երյոմենկոյին։ Քառորդ եզրափակչում, սակայն, հայ ըմբիշը 1-3 հաշվով զիջել է Վրաստանի ներկայացուցչին։ Վերջինս հասել է եզրափակիչ, և Պողոսյանը սփոփիչ գոտեմարտ անցկացնելու իրավունք է ստացել։ Սփոփիչ գոտեմարտում էլ Պողոսյանը 9։0 հաշվով վստահ հաղթանակ է տարել Իսրայելի ներկայացուցչի նկատմամբ։
Այսօր ավելի ուշ աշխարհի Մ23 տարեկանների առաջնության հաղթողի տիտղոսի համար կպայքարեն Եվրոպայի չեմպիոն Մալխաս Ամոյանը (77 կգ) և Գևորգ Թադևոսյանը (87 կգ)։
