Վաղը մեկնարկում է Չեմպիոնների լիգայի 2022/23 մրցաշրջանի խմբային փուլը։ Առաջարկում ենք ծանոթանալ E, F, G, H խմբերին, որոնց հանդիպումները կկայանան երեքշաբթի։
⚽ E խումբ
1․ «Միլան» (Իտալիա)
2․ «Չելսի» (Անգլիա)
3․ «Զացբուրգ» (Ավստրիա)
4․ «Դինամո Զագրեբ» (Խորվաթիա)
Այս խմբում ակնհայտ ֆավորիտները երկուսն են՝ «Միլանն» ու «Չելսին»։ Թե որ թիմը կլինի առաջինը, դժվար է ասել։ Ա Սերիայի չեմպիոնը գրեթե խաղում է կազմով, որը հանդես էր գալիս նախորդ մրցաշրջանում, հայտացուցակից բացակույմ է Իբրան, ով վնասվածք ունի։ Ակումբը շատ ակտիվ չէր տրանսֆերային պատուհանի ժամանակ, ի տարբերություն «Չելսիի», որը, ընդհանարապես, Եվրոպայում ամենաշատն է ծախսել այս ամառ նորեկների տրանսֆերների համար։ Սակայն դա չի նշանակում, որ լոնդոնյան թիմն ավելի ուժեղ է քան նախկինում․ միգուցե դա ակնհայտ կլինի մրցաշրջանի միջնամասում, երբ խաղացողների մեծ մասն արդեն կադապտացվի նոր թիմին, բայց այս պահի դրությամբ «Միլանի» և «Չելսիի» հնարավորությունները կարելի է գնահատել հավասար։
«Զալցբուրգն» ամուր ընկույզ է և կարող է գլխացավանքներ առաջացնել Պիոլիին և Տուխելին, և հենց այս թիմին ենք տեսնում որպես երրորդ հորիզոնականի գլխավոր հավակնորդ, որը տալիս է Եվրոպա լիգայի փլեյ-օֆֆի ուղեգիր։ Իսկ ահա «Դինամոն»․․․ Չենք բացառում, որ խորվաթները ևս կարող են մեկ-երկու անակնկալ մատուցել, ինչին բազմիցս ականատես ենք եղել, բայց հենց հիմա և այս խմբում, զագրեբցիները դիտարկվում են խմբի աութսայդեր։
⏳ 1-ին տուրի ժամանակացույցը
06.09/ 20։45 «Դինամո»-«Չելսի»
06.09/ 23։00 «Զալցբուրգ»-«Միլան»
⚽ F խումբ
1․ «Ռեալ» (Իսպանիա)
2․ «Լայպցիգ» (Գերմանիա)
3․ «Սելթիկ» (Շոտլանդիա)
4․ «Շախտյոր» (Ուկրաինա)
Այս խմբում ամեն ինչ նման է նախորդ կվարտետին։ Կան երկու բացահայտ ֆավորիտներ՝ ի դեմս մրցաշարի գործող չեմպիոն «Ռեալի» և գերմանական «Լայպցիգի»։ Տարբերությունն այն է, որ այս դեպքում առաջին տեղի ֆավորիտն ակհնայտ է՝ դա Անչելոտիի թիմն է։ Իսկ «Լայպցիգում» այս պահին որոշակի ճգնաժամ է նկատվում, բայց հաշվի առնելով խմբի ներուժը, երկրորդ տեղը Տեդեսկոյի թիմը պետք է որ ապահովի։
Երրորդ տեղի համար ֆավորիտ ենք համարում «Սելթիկին», որը շատ ագրեսիվ և արդյունավետ ֆուտբոլ է ցուցադրում, ունի բավականին հետաքրքիր հարձակման գիծ։ Չենք բացառում, որ եթե վերը նշված ճգնաժամը գերմանական ակումբում շարունակական բնույթ կրի, ապա շոտլանդացիները կարող են հավակնել նաև երկրորդ տեղին։ Բայց, դա ընդամենը սցենար է՝ իրադարձությունների և իրավիճակի որոշակի պայմաններից ելնելով։ Իսկ «Շախտյորին» այս տարի այդքան էլ չենք հավատում․ պատճառը պարզ է՝ ակումբը կորցրել է բավականին շատ առաջատար խաղացողների, լեգիոներների մեծ մասը հեռացել է թիմից այս ամառ։ Հաշվի առնենք նաև այն փաստը, որ թիմը տնային հանդիպումներն անցկացնելու է այլ երկում (Լեհաստանում):
⏳ 1-ին տուրի ժամանակացույցը
06.09/ 23։00 «Սելթիկ»-«Ռեալ»
06.09/ 23։00 «Լայպցիգ»-«Շախտյոր»
⚽ G խումբ
1․ «Մանչեսթեր Սիթիի» (Անգլիա)
2․ «Բարուսիա» (Գերմանիա)
3․ «Սևիլյա» (Իսպանիա)
4․ «Կոպենհագեն» (Դանիա)
Հրաշալի մարզավիճակում գտնվող «Մանչեսթեր Սիթին» ոչ միայն այս խմբի, այլ, ընհանրապես, մրցաշարի գլխավոր ֆավորիտներից մեկն է։ Գումարենք նաև այն փաստը, որ «Բորուսիան» և «Սևիլյան» ոչ այնքան տապվորիչ տեսք ունեն մրցաշարի մեկնարկում, և պարզ է դառնում, որ Գվարդիոլայի թիմը պետք է որ ընդհանարպես խնդիրներ չունենա այս խմբում։ Գերմանական և իսպանական ակումբները կպայքարեն փլեյ-օֆֆի երկրորդ ուղեգրի համար։ Շատերը «Կոպենհագենին» համարում են այս մրցաշարի աութսայդերներից մեկը, բայց ես չէի շտապի նրանց տեղավորել վերջին տեղում։ Արդեն նշեցինք, որ «Բորուսիան» և «Սևիլյան» իրենց մարզավիճակի գագաթնակետում չեն գտնվում, իսկ դանիացիները բավականին լավ տրանսֆերային պատուհան անցկացրեցին և զգալի ուժեղացրել են կազմը, այնպես որ, հենց «Կոպենհագենը» կարող է դառնալ այս մրցաշրջանի գլխավոր բացահայտումներից մեկը։
⏳ 1-ին տուրի ժամանակացույցը
06.09/ 20։45 «Բորուսիա»-«Կոպենհագեն»
06.09/ 23։00 «Սևիլյա»-«Մանչեսթեր Սիթիի»
⚽ H խումբ
1․ ՊՍԺ (Ֆրանիսա)
2․ «Յուվնտուս» (Իտալիա)
3․ «Բենֆիկա» (Պորտուգալիա)
4․ «Մաքքաբի» (Իսրայել)
Խաղային առաջին օրվա կենտրոնական հանդիպումը կկայանա Փարիզում։ ՊՍԺ-ն սեփական հարկի տակ կընդունի «Յուվենտուսին»։ Գալտիեի և Ալեգրիի թիմերն այս խմբի ֆավորիտներն են։ Ֆրանսիացի մասնագետի թիմը շատ դիտարժան և գերարդյունավետ ֆուտբոլ է ցուցադրում՝ Մեսսիի, Նեյմարի և Մբապեի գլխավորությմաբ, իսկ Ալեգրիի թիմը՝ նախորդ մրցաշրջանի համեմատ, կազմում որոշակի փոփոխություններ ունի և իտալացի մասնագետը դեռ խաղային կայուն ձեռագրի և օպտիմալ սխեմայի փնտրտուքների մեջ է, այնպես որ կանխատեսում ենք շատ թեժ ու դիտարժան դիմակայություն։
«Բենֆիկայի» մասին ևս պետք չէ մոռանալ․ ճիշտ է, առանց Նունյեսի, բայց այս թիմը դեռ մարտունակ է և կարող է դժվարություններ առաջացնել այս խմբի ֆավորիտներին, մասնավորապես՝ «Յուվենտուսին»։ Բայց մենք հակված են այն սցենարին, որ ՊՍժ-ն ու «Յուվենտուսը» առաջին երկու տեղերը կզբաղեցնեն, «արծիվները» կլինեն երրորդը, իսկ «Մաքքաբին» ակնհայտ հետնապահն է այս խմբում։
⏳ 1-ին տուրի ժամանակացույցը
06.09/ 23։00 ՊՍԺ-«Յուվենտուս»
06.09/ 23։00 «Բենֆիկա»-«Մաքքաբի»
