«Մանչեսթեր Յունայթեդի» 30-ամյա պաշտպան Ֆիլ Ջոնսը նշել է «կարմիր սատանաների» պատմության ուժեղագույն խաղացողների իր հնգյակը՝ պատասխանելով ակումբի մամուլի ծառայության հարցերին։
Այսպիսով, դարպասի դիրքում տեղ է զբաղեցրել լեգենդար Էդվին վան դեր Սարը, պաշտպանական խաղացողներն են Նեմանյա Վիդիչը և Սթիվ Բրյուսը, ովքեր հայտնի դարձան իրենց կոշտ ուժային խաղաոճով։ Պոլ Սքոուլզը կենտրոնական գծում ընտրվել է իր անհավանական փոխանցումների համար, իսկ հարձակման գծում Ուեյն Ռունին է:
Այսպիսով, ցուցակում չի ընդգրկվել «Յունայթեդի» 37-ամյա հարձակվող Կրիշտիանու Ռոնալդուն, ով ակումբի կազմում անցկացրել է 330 հանդիպում՝ դառնալով 142 գոլի և 71 գոլային փոխանցման հեղինակ։
Ռունին իր հաշվին ունի 559 հանդիպում, որոնցում խփել է 253 գոլ և կատարել 146 գոլային փոխանցում։
