Դանի Ալվեսը որոշում է կայացրել իր ապագայի վերաբերյալ

«Բարսելոնայի» պաշտպան Դանի Ալվեսը ցանկանում է պայմանագիրը երկարաձգել ակումբի հետ։

Ինչպես տեղեկացնում է Sport-ը, կատալոնական ակումբը ևս ցանկանում է բրազիլացուն պահել թիմում։ Ալվեսի ներկայիս պայմանագիրը նախատեսված է մինչև ընթացիկ մրցաշրջանի ավարտը։

Ըստ աղբյուրի՝ «կապտանռնագույնների» ղեկավարները ցանկանում են 38-ամյա ֆուտբոլիստին առաջարկել մեկ տարվա պայմանագիր։ Ընթացիկ մրցաշրջանում Ալվեսը մասնակցել է յոթ հանդիպման՝ դառնալով մեկ գոլի և երկու գոլային փոխանցման հեղինակ։