Օղակաձև այգու 6-րդ հատվածում, եկեղեցու հարևանությամբ արդեն մի քանի ամիս է ինչ սկսել է գործել Երևանի առաջին սքեյթպարկը։
Դրա կառուցման գաղափարն առաջարկվել էր դեռևս տարիներ առաջ, սակայն այն իրականություն դարձավ միայն 2021 թվականին։ Այդ տարածքում գտնվում էր դեռևս սովետական տարիներին կառուցված ջրավազան և տարիներ շարունակ մատնված էր անգործության, իսկ այժմ, արդեն ժամանակակից սքեյթիպարկի տեսքով, այն հյուրընկալում է սքեյթբորդինգի տասնյակ սիրահարների և ոչ միայն։
Armsport-ը պարբերաբար այցելել է բարեկարգված տարածք՝ ծանոթանալու պայմանների ու զրուցելու այստեղ իրենց ժամանցն անցկանցնող երիտասարդության հետ։ Սեյթպարկի տարածքում գործում են բոլորի համար պարտադիր կանոններ, քանի որ մանկահասակ երեխաները չեն կարող սահել մարզաձևի սիրահարների կողքին, իսկ պատանիները պետք է տարածքում գտվեն ու փորձեն վարպետանալ միայն իրենց ծնողների ուղեկցությամբ։
Մարզաձևի սիրահարները սակայն նկատում են, որ իհարկե կանոնները բոլորի համար պարտադիր են ու փակցված սքեյթպարկի տարածքում, սակայն բոլոր չէ, որ դրանց հետևում են, միաժամանակ չկան դրանք պարտադրող և կարգուկանոնին հետևող մարդիկ։ Երևանում սքեյթպարկը նաև լավագույն հավաքատեղին է սկութերինգի սիրահարների համար, որոնք սահում և հնարքներ են անում սքեյթբորդինգի տրամաբանությամբ։ Այս երիտասարդ մարզաձևերի սիրահարները միաժամանակ հրավիրում են բոլորի ուշադրությունը այն հանգամանքի վրա, որ այդուհանդերձ, շինաշխատանքներն իրականացվել են առանց մասնագիտական դիտարկումների հետ հաշվի նստելու ու թույլ են տրվել մի շարք բացթողումներ։ Այս մարզաձևերի համար լավագույն միջավայրը մինչ այս Երևանում համարվում էր Վարդան Մամիկոնյանի արձակի շրջակա բաց տարածքը՝ իր աստիճաններով ու եզրաքարերով։ Որոշ հատվածներում էլ էքստրիմալ այս մարզաձևերի սիրահարները հարմարեցրել էին ինքնաշեն թեքահարթակներ ու բազրիքներ հնարքներ կատարելու ու դրանցում վարպետանալու համար։
Կարճ ժամանակահատվածում, բայց Հայաստանում էլ այն պարզապես փողոցային մարզաձևերից թվարկվածներն ամեն դեպքում, տեղափոխվում է մասնագիտացված հարթակ, որը որքան էլ որ դրանցում թույլ են տրվել սխակներ։ Օլիմպիական ընտանիք մտած սքեյթբորդինգի համար մի ամբողջ հանրապետությունում միայն մեկ սքեյթպարկը քիչ է և քաղաքային իշխանությունների խոստացած գաղափարը, որ նմանները կառուցվելու են Երևանի մյուս վարչական շրջաններում ևս, հուսանք, որ միայն խոստում չի մնա, իսկ մարզաձևերի սիրահարների նկատառումների հետ հետայսու քաղաքային իշխանությունները հաշվի կնստեն։
Գևորգ Ղազարյան
Լուսանկարները՝ ստորև
GALLERY
