Փետրվարի 4-20-ը Չինաստանի մայրաքաղաք Պեկինում կանցկացվի ձմեռային Օլիմպիական խաղերը։ Ձեզ ենք ներկայացնում ՕԽ-ին մասնակցող գեղեցկուհիներից մի քանիսին։
Յուտտա Լերդամ, Նիդերլանդներ- չմշկավազք
View this post on Instagram
Հոլանդացի գեղեցկուհի Յուտտա Լերդամն իր նորամուտը կնշի Օլիմպիական խաղերում։ 23-ամյա Յուտտան այս մրցաշարին մոտենում է Աշխարհի առաջնության 3 ոսկե մեդալով ու անկասկած, կարող է լուրջ հայտ ներկայացնել մրցակիցներին նաև ՕԽ-ում։
Հաննա Պրոկ, Ավստրիա-սկելետոն
View this post on Instagram
Ավստրիացի գեղեցկուհի Հաննա Պրոկը նախկին սկելետոնիստ Մարկուս Պրոկի աղջիկն է և դահուկացատկորդ Գրեգոր Շլիրենցաուերի զարմուհին։
Հաննան, որի 22-ամյակը կլրանա փետրվարի սկզբին, Աշխարհի առաջնության թիմային էստաֆետայում արծաթե մեդալակիր է։ ՕԽ-ում հաղթանակի հասնելը Հաննայի համար մի փոքր բարդ կլինի, բայց ոչ անհնարին։
Քելլի Սիլդարու, Էստոնիա-ֆրիսթայլ
View this post on Instagram
Էստոնիան ներկայացնող գեղեցկուհի Քելլի Սիլդարուն, որի 20-ամյակը կլրանա ՕԽ-ի ընթացքում, դեռ 4 տարի առաջ կարող էր դառնալ Օլիմպիական խաղերի չեմպիոն, եթե չլիներ ծնկի խաչաձև կապանի վնասվածքը։ Ընդ որում, հենց այս փաստը Պեկինում կարող է գլխավոր մոտիվացիա դառնալ Քելլիի համար։
Ֆրիդա Կառլսոն, Շվեդիա-դահուկավազք
View this post on Instagram
Դահուկավազքի թագավորությունում գլխավոր գեղեցկուհիներից մեկը շվեդուհի Ֆրիդա Կառլսոնն է։ Սկանդինավացի մարզուհին շարունակում է առաջընթացն ու լավ արդյունքներ է ցույց տալիս Աշխարհի Գավաթում։
Լի Յուբին, Հարավային Կորեա-շորթ-թրեք
View this post on Instagram
Ասիական գեղեցկության սիրահարներին ենք ներկայացնում 20-ամյա հարավկորեացի գեղեցկուհի Լի Յուբինին։
Շորթ-թրեքի երիտասարդ աստղը 4 տարի առաջ հայրենիքում կայացած ՕԽ-ում ոսկի նվաճեց էստաֆետայում, իսկ Պեկինում կփորձի արդեն անհատական մեդալ նվաճել, որի համար բոլոր շանսերն ունի։
Քեթի Օրմերոդ, Մեծ Բրիտանիա-սնոուբորդ
Посмотреть эту публикацию в Instagram
4 տարի առաջ կայացած Օլիմպիական խաղերն այս գեղեցկուհին բաց թողեց վնասվածքի պատճառով, իսկ Պեկինում մեծ վճռականությամբ 24-ամյա Օրմերոդը կպայքարի արդեն մեդալների համար։
Թինա Կարապետյան, Հայաստան-գեղասահք
Եվ ի վերջո հայուհի Թինա Կարապետյան․ նա օրերս Սիմոն Սենեկալի հետ մասնակցում էր Էստոնիայի մայրաքաղաք Տալինում ընթացող գեղասահքի Եվրոպայի առաջնությանը, որտեղ 168․43 միավորով Հայաստանը ներկայացնող զույգը զբաղեցրեց 13-րդ տեղը։ Հուսանք՝ ՕԽ-ում ականատես կլինենք ավելի լավ արդյունքի։
Իսկ դուք ձեզ համար արդեն առանձնացրե՞լ էիք ՕԽ-ի գեղեցկուհիներին։