Չեմպիոնների Լիգայի և Եվրոպա Լիգայի խմբային փուլի 5-րդ տուրի հանդիպումների արդյունքներով արդեն իսկ որոշվել են Եվրոպա Լիգայի փլեյ-օֆֆի մի քանի մասնակիցներ։
Նշենք, որ 1/8-րդ եզրափակչի ուղեգիր են ձեռք բերում խմբերում առաջին տեղերը զբաղեցրած թիմերը (8 թիմ), իսկ Չեմպիոնների լիգայից «Ժամանած» թիմերը և ԵԼ խմբային փուլում երկրորդ տեղերը զբաղեցրած թիմերը (16 թիմ) կբաժանվեն զույգերի և ևս մեկ լրացուցիչ փուլ կանցկացնեն՝ որոշելու 1/8 եզրափակչի մյուս 8 հաջողակներին։
Այսպիսով, այս պահի դրությամբ հայտնի են փլեյ-օֆֆի և լրացուցիչ փուլի 24 մասնակիցներից 17-ը։ ՉԼ-ում իրենց խմբերում երրորդ տեղն են ապահովել հետևյալ թիմերը․
«Շերիֆ» (Մոլդովա)
«Բորուսիա Դ․», «ՌԲ Լայպցիգ» (Գերմանիա)
«Զենիթ» (Ռուսաստան)
«Պորտու» (Պորտուգալիա)
«Բարսելոնա», «Սևիլյա» (Իսպանիա)
ՉԼ 1/8 եզրափակչի վերջին մասնակիցը կորոշվի դեկտեմբերի 9-ին՝ «Ատալանտա» — «Վիլյառեալ» հանդիպման արդյունքներով։ Բերգամոյում կայացած հանդիպումը հետաձգվել է ձյան տեղումների պատճառով։ Այս զույգի պարտվողը ևս կմիանա ԵԼ լրացուցիչ փլեյ-օֆֆի մասնակիցներին։
Եվրոպա Լիգայի խմբային փուլի արդյունքներով փլեյ-օֆֆի և լրացուցիչ փուլի ուղեգիր են ձեռք բերել հետևյալ ակումբները։
«Լիոն», «Մոնակո» (Ֆրանսիա)
«Այնտրախտ», «Բայեր» (Գերմանիա)
«Վեստ Հեմ» (Անգլիա)
«Օլիմպիակոս» (Հունաստան)
«Գալաթասարայ» (Թուրքիա)
«Լացիո» (Իտալիա)
«Բետիս» (Իսպանիա)
«Ռեյնջերս» (Շոտլանդիա)
Այս պահի դրությամբ, ԵԼ խմբային փուլում առաջին տեղերն ապահովել են «Լիոնը», «Մոնակոն», «Վեստ Հեմը» և «Բայերը», որոնք արդեն ունեն ԵԼ փլեյ-օֆֆի 1/8 եզրափակչի ուղեգրեր։
Այսօր կկայանան խմբային փուլի վերջին հանդիպումները և մենք կիմանանք Եվրոպա Լիգայի գարնանային հատվածի բոլոր մասնակիցներին։
Հատկապես շատ լարված պայքար է սպասվում C և F խմբերում, որտեղ բացարձակապես ոչինչ այս պահի դրությամբ դեռ պարզ չի։ Բոլոր խմբերի մրցաշարային աղյուսակներն ու հանդիպումների ժամանակցույցը՝ ստորև․
⚽ 21։45․ «Սպարտա»-«Բրոնդբյու»
⚽ 21։45․ «Լիոն»-«Ռեյնջերս»
⚽ 21։45․ «Ռեալ Սոսեյդադ»-ՊՍՎ
⚽ 21։45․ «Շտուրմ»-«Մոնակո»
⚽ 21։45․ «Լեգիա»-«Սպարտակ»
⚽ 21։45․ «Նապոլի»-«Լեսթեր»
⚽ 21։45․ «Անտվերպեն»-«Օլիմպիակոս»
⚽ 21։45․ «Ֆեներբահչե»-«Այնտրախտ»
⚽ 00։00․ «Լացիո»-«Գալաթասարայ»
⚽ 00։00․ «Մարսել»-«Լոկոմոտիվ»
⚽ 00։00․ «Լուդոգորեց»-«Միդտյուլանդ»
⚽ 00։00․ «Բրագա»-«Ցրվենա Զվեզդա»
⚽ 00։00․ «Սելտիկ»-«Բետիս»
⚽ 00։00․ «Ֆերենցվարոշ»-«Բայեր»
⚽ 00։00․ «Գենկ»-«Ռապիդ»
⚽ 00։00․ «Վեսթ Հեմ»-«Դինամո Զագրեբ»
Հիշեցնենք, որ Եվրոպա Լիգայի հաղթողը մյուս մրցաշրջանում ստանում է ՉԼ խմբային փուլի մասնակցության ավտոմատ հնարավորություն։