Հումառոմեական ոճի ըմբիշ, 55 կգ քաշային Նորայր Հախոյանը հաղթանակով է մեկնարկել Նորվեգիայի մայրաքաղաք Օսլոյում ընթացող ըմբշամարտի աշխարհի առաջնությունում:
Մեր ըմբիշը պայքարը սկսել է 1/8 եզրափակչից, որտեղ 6-1 հաշվով վստահ հաղթանակ է տարել գերմանացի Ֆաբիան Շմիտի նկատմամբ:
Քառորդ եզրափակչում Հախոյանը կգոտեմարտի ամերիկացի Մաքս Նովրիի հետ:
Այսօր մրցագորգ դուրս կգա նաև 72 կգ քաշային Մալխաս Ամոյանը. նրա մրցակիցը կլինի նորվեգացի Հավարդ Յոերգենսենը:
Ավելի վաղ հունահռոմեական ոճի մեր մյուս ըմբիշ Գեղամ Թորգոմյանը 0:12 հաշվով պարտվել էր մեկնարկային գոտեմարտում:
ԱԱ են մեկնել նաև Գևորգ Ղարիբյանը (60 կգ), Հրայր Պողոսյանը (63 կգ), Սլավիկ Գալստյանը (67 կգ), Արթուր Շահինյանը (87 կգ) և Դավիթ Օվասափյանը (130 կգ):
