Օլիմպիական խաղերի քառակի չեմպիոն, ԱՄՆ-ն ներկայացնող մարմնամարզիկ Սիմոնե Բայլսը գաղտնի մարզումներ է անցկացրել նախքան Տոկիո-2020-ում գերանի վրա վարժությունում բրոնզե մեդալ նվաճելը։ Այս մասին հայտնում է Insider-ը։
Բայլսը, որը չի մասնակցել թիմային ու անհատական բազմամարտի մրցումներին, համաձայնության է եկել Տոկիոյից բավականին հեռու գտնվող մարզասրահներից մեկի հետ ու չորս օր՝ օրական մի քանի ժամ, ամերիկուհին այնտեղ մարզվել է։
Նրան ուղեկցել են մարզիչներն ու թիմի բժիշկը։ Երբ Բայլսը մտել է մարզադահլիճ, դռները փակել են, որպեսզի նրան ոչ ոք չխանգարի։