Ամերիկայի գավաթի խաղարկությունը Բրազիլիայում անցկացնելու որոշումը դեռ հաստատված չէ, կողմերը դեռ բանակցությունների փուլում են, հայտարարել է երկրի նախագահի աշխատակազմի ղեկավար Լուիս Էդուարդո Ռամոսը:
Նախարարը, որի խոսքերը մեջբերում է Reuters-ը, բացատրել է, որ Բրազիլիայի Ֆուտբոլային Կոնֆեդերացիայի միջոցով արված հարցումը մասնավոր է և նշել է, որ հանդիպումները կանցկացվեն դատարկ տրիբունաներում:
«Մենք բանակցությունների փուլում ենք, — ասել է Ռամոսը լրագրողներին, — բայց մենք չենք խուսափելու խնդրանքից, եթե կարողանանք դա անել: Մենք ճշտում ենք մանրամասները, վերջնական որոշում կլինի երեքշաբթի օրը»:
Երկուշաբթի օրը բրազիլացի բժիշկները քննադատել էին երկրում Ամերիկայի գավաթի խաղարկությունն անցկացնելու որոշումը:
