«Շալկեի» երկրպագուները հարձակվել են թիմի ֆուտբոլիստների վրա այն բանից հետո, երբ թիմը դուրս մնաց Բունդեսլիգայից:
Խաղից հետո թիմի հարյուրավոր երկրպագուներ հավաքվել էին տնային մարզադաշտում: Երբ «Շալկեի» ավտոբուսը դուրս է եկել մարզադաշտից, երկրպագուները հարձակվել են խաղացողների վրա: Նրանցից շատերը ստիպված էին փախչել։
Երեկ կայացած խաղում «Արմինիան» տանը նվազագույն հաշվով հաղթեց «Շալկեին»։ Այսպիսով, ընթացիկ առաջնության ավարտից 4 տուր առաջ «Շալկեն» ունի 13 միավոր, իսկ 17-րդ տեղում ընթացող «Քյոլնը» 26 միավոր է վաստակել։ «Շալկեն» 33 տարվա մեջ առաջին անգամ դուրս մնաց Բունդեսլիգայից։
