Իտալիայի ֆուտբոլի ֆեդերացիան որոշում է կայացրել «Միլանի» հարձակվող Զլատան Իբրահիմովիչի և «Ինտերի» հարձակվող Ռոմելու Լուկակուի միջև կոնֆլիկտի գործով: Այս մասին հայտնում է լրագրող Ջանլուկա Դի Մարցիոյի կայքը:
Ֆեդերացիայի կարգապահական կոմիտեն գտել է, որ շվեդ հարձակվողի գործողություններում ռասիզմի դրսևորում չի եղել: Ֆեդերացիայի կարծիքով, Իբրահիմովիչի պահվածքը կարելի է պարզապես որակել որպես ոչ սպորտային:
Հիշեցնենք՝ Իբրահիմովիչն ու Լուկակուն մեկական խաղով որակազրկվեցին Իտալիայի Գավաթի քառորդ եզրափակչի խաղից հետո: Առաջին կեսի վերջնամասում «Միլանի» պաշտպան Ալեսիո Ռոմանյոլին խախտել էր կանոնները Լուկակուի հետ պայքարում, ինչն առաջացրել էր բելգիացու դժգոհությունը: Իբրահիմովիչը միացել էր վեճին:
Sport Mediaset-ի փոխանցմամբ, Իբրահիմովիչը Լուկակուին ասել էր. «Գնա, զբաղվի՛ր քո վուդուով, փոքր ավանակ»: Լուկակուն պատասխանել էր. «Ցանկանում ես խոսել իմ մայրիկի մասի՞ն, սրիկա»:
Մրցավարը երկու ֆուտբոլիստներին էլ զգուշացրել էր դեղին քարտով:
