«Ալաշկերտը» հնարավորություն չտվեց գործող չեմպիոնին՝ վերականգնել առաջատարությունը՝ հանդիպումն ավարտելով ոչ-ոքի: Մինասյանի թիմին հաղթանակ էր անհրաժեշտ առաջին հորիզոնական բարձրանալու համար, սակայն Մելիքյանի թիմը թույլ չտվեց առաջատարի փոփոխություն:
Խաղն ավարտվեց ոչ-ոքի: Առաջին խաղակեսն անցավ «Արարատ-Արմենիայի» տարածքային առավելությամբ, իսկ երկրորդ կեսում «Ալաշկերտը» տիրում էր խաղային առավելությանը: Մեկ դրվագում Գլիշիչը մեն-մենակ մնալով Աբակումովի դիմաց, հարվածեց դարպասաձողին: Գործող գավաթակիրը մի քանի պահ ևս ստեղծեց, սակայն չկարողացավ հաջողության հասնել: 75-րդ րոպեին Կոջոն խախտեց խաղի կանոնները Արտակ Գրիգորյանի նկատմամբ ու ստանալով երկրորդ դեղին քարտը, հեռացվեց խաղադաշտից: Ավելացված ժամանակով կազմերը հավասարվեցին. Բարանովը վերջին հույսի խախտում թույլ տվեց ու հեռացվեց խաղադաշտից: Տուգանայինից Վակուլենկոյի հարվածը հետ մղվեց հորիզոնական դարպասաձողից: Խաղն ավարտվեց 0-0 հաշվով:
«Շիրակն» ու «Արարատ-Արմենիան» 46-ական միավորով կիսում են առաջին հորիզոնականը, սակայսն Գյումրիի թիմը լրացուցիչ արդյունքներով առաջատար է: «Նոան» 1 միավոր պակաս ունի ու երրորդն է: «Ալաշկերտը» 41 միավորով 4-րդն է, իսկ «Լոռին» 40 միավոր ունի ու 5-րդ տեղում է: «Արարատը» 33 միավորով 6-րդն է: